2005年5月27日(六)
今日去佐配CON, 因為我終於約佐6月3日早上十一時去試妝啦(係太子), 所以嗱嗱臨去配CON先. 去佐高登配, 諗住佢地應該專業D, 驗眼等各方面會準D, 咁我第時就可以去第二度買CON麻. 去到佢話我散光度數太勁, ONE-DAY果D最多都係去到75度散光, 如果以我既度數, 只有兩星期果隻CON先啱我. 之後再驗眼, 佢話我而家戴緊副眼鏡度數, 比我本身既正確度數多佐一百度喎?!!(所以我以後都唔會再去A-LOOK配眼鏡, 當初都知佢地唔多專業, 但就諗住平D, 但結果我呢副眼鏡都唔平). 驗完就試戴CON, 佢話有散光果D要訂番黎, 所以比佐ONE-DAY無散光既我試戴下, 我同佢講我係諗住結婚所以先配CON, 都唔係諗住長戴, 視光師就話如果你戴佐ONE-DAY無散光呢隻都覺得睇野OK既話, 咁你都可以買ONE-DAY. 最後我當然選擇ONE-DAY啦, 價錢平D麻, 同埋我真係有特別場合先戴, 所以梗係揀隻平D啦~
高登買要$150一set, 我因為左右眼度數唔同, 所以要買兩set唔同度數既, 盛惠$300, 佢叫我星期二/三再去多次正式學試戴同試除. 但係… 我都係覺得自己唔戴眼鏡個樣好醜樣, 面肥眼細, 睇見自己個樣都想打爆塊鏡. 即使我結婚化晒妝SET晒頭都唔慌會靚得去邊… 只希望到時唔好太醜嚇親人…
沒有留言:
發佈留言