2006年2月1日(三)
今日我地要上網走, 我地先搭返巴士去上川, 然後再搭3小時JR去網走. 網走係一個唔算熱鬧既地方, 但一出JR就見到好多酒店. 我地先去酒店放低D行李, 然後就去網走監獄博物館, 跟住再搭巴士去坐破冰船.
但去到竟然發覺無冰, 嗚嗚~~ 我專登上網走就係為佐坐破冰船呀! 但一場黎到, 都照坐啦. 原本票價要3000YEN, 但因為無冰所以平D, 變佐2500YEN. 唉, 無流冰坐破冰船, 感覺就如搭新渡輪過澳門咁, 船程又係差唔多一個鐘, 但人多無位坐要企足一個鐘, 又睇唔到咩動物, 淨係得D海鷗, 好失望呀!!!!!!!!!!!!!!!!!
之後我地就去佐KFC同便利店買佐D食物就返酒店, 因為夜晚既網走都無咩好行, 所以今日係我地咁多日旅程之中最早返酒店既一日, 六點幾就返到酒店. 跟住係酒店睇下電視執下野就訓覺啦. 今晚睇到一個幾得意既遊戲節目, 佢係玩日文既拼音VS不同意思去猜謎語咁, 例如畫面顯示一個「1」字, 一個「5」字, 一個「大」字, 估一種食物, 你地估唔估到係咩??
沒有留言:
發佈留言