2006年2月4日(六)
由於尋日去唔成PUROLAND, 男友唔想我失望, 所以今朝早再去過, 去到當然大部份都係HELLO KITTY既世界, 但好彩我都掃到唔少KEROPPI貨. 不過最遺憾既就係我夾唔到果個HELLO KITTY 30週年復古時計, 因為有個死八婆係度狂鉗走晒D景品. 好難得D職員先擺番D景品上部機, 但擺法已經唔同佐, 又無撕開果個盒位, 咁既款根本上就無可能夾得到, 好失望呀... 但好彩男友用佐個好醒目既方法去搞掂佐另一部金幣機, 我地拎走佐成八十幾個coins呀, 好開心~ 早知有呢個方法, 之前就唔駛嘥佐成二千YEN去夾啦~
然後我地去幕張outlet, 初初我仲諗住係度可以大出血, 因為咁多日以黎我自己都無買過D咩野屬於自己既, 大部份都係手信或者係幫人買既. 點知個outlet令人非常失望, 又細, 又無咩牌子舖頭, 好快我地就行完勒. 跟住我地再去迪士尼, 買夜晚飛入到, 都係二千幾YEN, 不過講真我初初唔係咁想黎, 因為我覺得黎迪士尼, 一係就黎一整日, 一係就唔好黎, 否則都唔夠盡興. 而且又凍又肚餓, 你知我一肚餓無啖好食, 心情即刻就會變差架啦, 所以都忍唔住面黑. 但後尾發覺原來大家缺乏溝通, 我以為男友因為鍾意MICKEY, 所以無反對話黎; 而佢就想我黎開開心心咁玩下, 所以先話黎. 後尾我地都玩得幾開心, 雖然唔係玩佐好多遊戲, 但就唔駛排好耐隊, 都算係夜晚黎有夜晚既好處啦~ 同埋最重要係睇到煙花呀, 好清好靚呀~~
返到酒店, 攰到死佐.
沒有留言:
發佈留言