星期六ANATA又一朝早出佐去做野, 我就約佐去做facial, 然後行佐陣元朗, 唔覺唔覺由兩點幾行到六點, 但係我淨係行佐千色同嘉城廣場咋喎, 點解兩個商場我可以行到三個幾鐘都有既?? 行到六點幾實在太累所以搭車返屋企. 因為今晚要入三聖食海鮮, 所以諗住係屋企等ANATA打黎我先出門口. ANATA明明話七點幾可以走得, 點知等到七點半我都未收到電話, 我都估到佢邊可以咁快走到呀, 於是自己拎D衫落去磅洗先, 然後慢慢行去輕鐵站, 行到去泳池ANATA終於打黎, 我地當然就約係三聖等.
今晚係同ANATA屋企人, 同埋佢妹夫屋企人一齊食飯, 一圍好似有成十五, 六人. 我都唔係好清楚點解會兩家人一齊食飯, 不過今晚餐飯真係好豐富, 有燒鵝, 賴尿蝦, 聖子, 白灼蝦, 鮑魚, 扇貝, 好大條魚, 蜆, 海鮮湯, 蟹... 從來未食過一餐咁豐富既海鮮餐, 好好味好飽. 食到後尾個個都好飽, 但就仲有好多野剩, ANATA好勁咁擦晒條魚, 食埋D蝦蟹, 好驚人呀~~~
沒有留言:
發佈留言