今日本來打算準時放工, 早D返去同ANATA食飯, 點知最後都要OT到七點先走得.
今晚我地買左兩隻VCD, 分別係獨家試愛同埋極地雪犬. 獨家試愛是ANATA既舊同事極力推介, 話好適合D就黎結婚/剛剛結婚既人睇, 佢舊同事仲話睇到喊, 所以我對呢套戲都抱有少少期望. 我睇完既感受係: 套戲應該都幾寫實既, 同埋方力申話要離婚, 鄧麗欣走佐出街果幕對我幾深刻囉, 搞到我流佐兩滴眼淚出黎, 因為我諗番起當初比人飛果陣既片段, 感覺上有D似曾相識. 我係度諗, 如果第時老公提出離婚果陣我又會有咩反應呢? 好冷靜咁接受, 定係會發顛呢?? 同埋我幾鍾意佢個結局, 結局我唔講咁多啦, 有興趣既大家可以問我借黎睇下.
沒有留言:
發佈留言