自從YAHOO BLOG摺咗之後,
好似無晒動力去UPDATE個BLOG咁.
一來唔知仲有無人睇, 二來自己又懶, 三來因為自己既私事, 搞到近呢三個月都無開過電腦,
更遑論去寫BLOG. 大家見到4月份出既POST, 其實係我舊年一早寫定, SET咗排程按時間出而已.
呢排因為好得閒好得閒好得閒,
所以先有閒情逸緻上黎睇吓自己個BLOG發霉未.
至於點解呢排咁得閒? 係因為我上星期無啦啦盲腸炎入咗醫院做手術, 要喺屋企抖2星期唔返得工住,
所以先再開番電腦上黎睇吓.
或者等我遲D完全康復, 我會的起心肝好好地再UPDATE呢個BLOG啦~~
2014年5月4日星期日
2013年11月1日星期五
2013年10月14日(一) -- 秋高氣爽郊遊樂 (深井, 大帽山)
重陽節最後一日假期, 我地唔去睇戲唔行商場, 走咗去郊遊.
我地下午去咗深井既大衞餐廳食個lunch先.
果度既食物唔錯, 質素有番有咁上下, 服務好好, 價錢唔貴, set lunch $68(另加一服務費), 不過D野就出得好慢. 我地唔趕時間, 不過我地食完個甜品都急急腳走, 趕住去攞車呀, 唔想過咗少少時間又要比多1粒鐘parking fee.
我地下午去咗深井既大衞餐廳食個lunch先.
果度既食物唔錯, 質素有番有咁上下, 服務好好, 價錢唔貴, set lunch $68(另加一服務費), 不過D野就出得好慢. 我地唔趕時間, 不過我地食完個甜品都急急腳走, 趕住去攞車呀, 唔想過咗少少時間又要比多1粒鐘parking fee.
2013年10月28日星期一
2013年9月29日 -- 大潭玩獨木舟 + BBQ
我一向都唔鍾意戶外活動, 主要係因為怕曬.
如果我係曬極唔黑既人, 我諗我都無咁抗拒戶外活動. 但好可惜我曬一曬就會黑, 之但係即使唔再曬亦都唔會白番, 所以我好討厭曬太陽, 更加唔鍾意戶外活動.
流沙包話約咗人玩獨木舟, 本來我都唔打算跟埋去玩, 不過我一聽到話有得燒雞翼, 即刻話要join. 我唔鍾意曬啫, 但我鍾意食吖嘛~
佢地一朝早出海玩獨木舟, 我就做攝影師啦~~
如果我係曬極唔黑既人, 我諗我都無咁抗拒戶外活動. 但好可惜我曬一曬就會黑, 之但係即使唔再曬亦都唔會白番, 所以我好討厭曬太陽, 更加唔鍾意戶外活動.
流沙包話約咗人玩獨木舟, 本來我都唔打算跟埋去玩, 不過我一聽到話有得燒雞翼, 即刻話要join. 我唔鍾意曬啫, 但我鍾意食吖嘛~
佢地一朝早出海玩獨木舟, 我就做攝影師啦~~
2013年10月16日星期三
終於由YAHOO BLOG成功搬家過黎啦~
YAHOO BLOG自從宣布執笠後, 我都無咩心機寫BLOG.
我無理個YAHOO BLOG成個月, 上星期開始終於的起心肝睇吓點樣將YAHOO BLOG既所有網誌+相片+留言全部搬晒過黎BLOGSPOT.
我主要係參考呢位BLOGGER既方法:
http://koosan.blogspot.hk/2013/09/migrate-yahoo-blog-google-blogger-with-images-comments.html#more
不過我發覺去到第3個STEP已經FOLLOW唔到, 因為個MT檔裏面根本find唔到"../images/", 無辦法replace. 所以我用咗個好慢又好低能既方法去更改個圖片link.
搬BLOG成個過程差唔多搞咗我2日, 好在最後終於都成功搬到過黎. 不過有部份相片都係會死link, 不過我估死link圖既數量應該唔多, 所以我就由得佢囉.
我無理個YAHOO BLOG成個月, 上星期開始終於的起心肝睇吓點樣將YAHOO BLOG既所有網誌+相片+留言全部搬晒過黎BLOGSPOT.
我主要係參考呢位BLOGGER既方法:
http://koosan.blogspot.hk/2013/09/migrate-yahoo-blog-google-blogger-with-images-comments.html#more
不過我發覺去到第3個STEP已經FOLLOW唔到, 因為個MT檔裏面根本find唔到"../images/", 無辦法replace. 所以我用咗個好慢又好低能既方法去更改個圖片link.
搬BLOG成個過程差唔多搞咗我2日, 好在最後終於都成功搬到過黎. 不過有部份相片都係會死link, 不過我估死link圖既數量應該唔多, 所以我就由得佢囉.
2013年10月7日星期一
我們的那些年
為慶祝我地CityU人相識X週年, 今年既9月1日,
我地決定黎個聚會.
朝早我地去咗又一城既Simplylife Bakery Cafe食個Sunday Brunch. 果度既Brunch由11點開始, 但十點幾已經開始排隊.
朝早我地去咗又一城既Simplylife Bakery Cafe食個Sunday Brunch. 果度既Brunch由11點開始, 但十點幾已經開始排隊.
2013年9月23日星期一
我是左撇子?
呢篇BLOG,
唔知有幾多BLOG友有同感.
人地話左撇子既人特別聰明(哈哈), 我自己都係一個慣用左手既人. 不過, 左撇子總會喺某D情況下被迫改用右手.
我係左撇子, 不過我揸筆係用右手的.
其實根據墨魚媽話, 我幼稚園時都係用左手揸筆的, 但老師同墨魚媽講, 話用左手揸筆會好怪, 問墨魚媽要唔要"糾正"番我, 教我用右手揸筆, 最後墨魚媽同意, 於是... 我就變咗一個用右手揸筆既人.
至於揸筷子? 我細細個當然都係用左手揸筷子. 但同親長輩如爺爺嫲嫲食飯, 長輩會唔鍾意我用左手揸筷子, 次次食飯都哦, 於是墨魚媽又"訓練"我要用右手揸筷子.
後來我都學識用右手揸筷子, 但始終我都係慣用左手, 所以我細細個果陣, 平時喺屋企食飯會用左手揸筷子; 同長輩大圍食飯時, 我先轉用右手, 所以基本上我係左右手都可以揸到筷子.
至於其他方面, 大部份物品我都係用左手的, 例如:
人地話左撇子既人特別聰明(哈哈), 我自己都係一個慣用左手既人. 不過, 左撇子總會喺某D情況下被迫改用右手.
我係左撇子, 不過我揸筆係用右手的.
其實根據墨魚媽話, 我幼稚園時都係用左手揸筆的, 但老師同墨魚媽講, 話用左手揸筆會好怪, 問墨魚媽要唔要"糾正"番我, 教我用右手揸筆, 最後墨魚媽同意, 於是... 我就變咗一個用右手揸筆既人.
至於揸筷子? 我細細個當然都係用左手揸筷子. 但同親長輩如爺爺嫲嫲食飯, 長輩會唔鍾意我用左手揸筷子, 次次食飯都哦, 於是墨魚媽又"訓練"我要用右手揸筷子.
後來我都學識用右手揸筷子, 但始終我都係慣用左手, 所以我細細個果陣, 平時喺屋企食飯會用左手揸筷子; 同長輩大圍食飯時, 我先轉用右手, 所以基本上我係左右手都可以揸到筷子.
至於其他方面, 大部份物品我都係用左手的, 例如:
球拍
牙刷
鑊剷
電話
鎖匙開門
不過仍有少部份物品, 我係會用右手的 ( 唔知點解呢?):
牙刷
鑊剷
電話
鎖匙開門
不過仍有少部份物品, 我係會用右手的 ( 唔知點解呢?):
菜刀
剪刀
剪刀
唔知你地又點呢?
2013年9月11日星期三
去飲都有壽包食
8月尾, 表弟結婚, 去咗THE ONE 20樓既"迎"去飲. 講真, 呢個表弟, 至少有廿年無見過, 真係出到街撞到都唔會認得對方果種. 成個飲宴最特別既地方係最後有壽包上, 因為當天係新郎既生日, 唔知係咪咁既原因, 對新人要求酒店送壽包呢? 我都係第一次去飲有壽包食, 哈哈.
果度D野唔好食, 係得個view睇吓...
2013年9月3日星期二
重要消息~搬家告示~ (已更新: 紫色字為新加入內容; 9月5日再更新[紅色字])
YAHOO BLOG終於要摺!
早幾日得知消息, 晴天PIG PIG, 心情大受影響.
愁都唔係辦法, 即刻諗個BLOG應該搬去邊好.
其實有一刻諗過唔再寫. 不過BLOG係用黎記低我自己發生過所有開心同唔開心既事, 我自己就當係日記咁寫, 所以即使我個BLOG無人會睇, 我都會一直寫落去.
或者你都會關心, 出面仲有邊個BLOG好用, 可以比我搬過去?
有熱心BLOGGER HITOMI就測試過其他BLOG平台, 若有興趣可CLICK呢度去HITOMI既BLOG睇吓.
暫時我決定搬去台灣既天空部落(YAM BLOG), 我既新網址如下:
http://blog.yam.com/chloechingching
有興趣的話可以去我新BLOG看看啊~. (因為我打算由YAHOO BLOG正式搬咗過YAM BLOG之後我先繼續寫新BLOG, 所以大家可能見我好耐都唔UPDATE個YAM BLOG, 但唔表示我會荒廢個YAM BLOG啊~)
另外如果各位BLOG友想將來繼續保持聯絡, 勞煩你稍移玉步去我上面條YAM BLOG LINK留個言比我 話我知你既新BLOG地址吖~ YAM BLOG可以用訪客身份留言(無需註冊登入), 同埋都可以用私人回應架~ 因為我未必會再上黎YAHOO BLOG去探大家, 所以即使大家喺自己YAHOO BLOG寫低咗自己既新落腳地, 我都唔會再睇到.
由於死人YAHOO BLOG無啦啦無咗個"關注BLOG友", 所以我頭先專登去睇番自己D舊BLOG, 睇番大家比我既留言去搵番你地, 同埋我都喺大家既BLOG留咗"遺言", 但唔知點解無啦啦留言要驗證碼 (都唔知有無部份"遺言"因為驗證碼入唔啱搞到個留言無咗)... 唔知YAHOO BLOG幾時會連留言都CUT埋.
同埋我應該下星期就會備份YAHOO BLOG, 當你一開始備份, 你個BLOG就會進入唯讀模式, 唔可以再發表文章, 亦唔可以再比BLOG友留言架啦~ 所以大家備份之前要諗清楚呀!!! 換句話說, 當你一開始備份, 就等如將你個BLOG"送死", 唉, 諗落有D傷感添~ 希望將來喺大家既新BLOG度再見啦~~
其實除咗搬去其他BLOG平台之外, 我都有諗過索性買個DOMAIN NAME+租HOSTING, 整番一個完全屬於自己既小天地. 因為每次個BLOG話要摺, 就又要搵地方搬, 都幾煩.
但可惜我係一個科技白痴, 實際上要點整我唔係好知(我已經花咗2日時間上網搵資料, DOMAIN同租HOSTING大致上我都明, 但之後個BLOG應該點整點搞, 點樣喺我買咗既DOMAIN NAME SHOW到我個BLOG內容, 實際上應該點運作etc., 我就唔明勒...)
其實我本身喺BLOGSPOT都有ACCOUNT, 未有YAHOO BLOG之前, 我都喺BLOGSPOT寫BLOG, 後尾先喺BLOGSPOT搬過黎YAHOO BLOG.
本來都無諗住搬番去BLOGSPOT, 因為覺得唔係太好用. 不過安全起見, 好似暫時KEEP住兩頭住家好D, 所以都留低BLOGSPOT條LINK比大家啦, 將來應該會兩邊BLOG同步UPDATE:
http://chloechingching.blogspot.hk/
早幾日得知消息, 晴天PIG PIG, 心情大受影響.
愁都唔係辦法, 即刻諗個BLOG應該搬去邊好.
其實有一刻諗過唔再寫. 不過BLOG係用黎記低我自己發生過所有開心同唔開心既事, 我自己就當係日記咁寫, 所以即使我個BLOG無人會睇, 我都會一直寫落去.
或者你都會關心, 出面仲有邊個BLOG好用, 可以比我搬過去?
有熱心BLOGGER HITOMI就測試過其他BLOG平台, 若有興趣可CLICK呢度去HITOMI既BLOG睇吓.
暫時我決定搬去台灣既天空部落(YAM BLOG), 我既新網址如下:
http://blog.yam.com/chloechingching
有興趣的話可以去我新BLOG看看啊~. (因為我打算由YAHOO BLOG正式搬咗過YAM BLOG之後我先繼續寫新BLOG, 所以大家可能見我好耐都唔UPDATE個YAM BLOG, 但唔表示我會荒廢個YAM BLOG啊~)
另外如果各位BLOG友想將來繼續保持聯絡, 勞煩你稍移玉步去我上面條YAM BLOG LINK留個言比我 話我知你既新BLOG地址吖~ YAM BLOG可以用訪客身份留言(無需註冊登入), 同埋都可以用私人回應架~ 因為我未必會再上黎YAHOO BLOG去探大家, 所以即使大家喺自己YAHOO BLOG寫低咗自己既新落腳地, 我都唔會再睇到.
由於死人YAHOO BLOG無啦啦無咗個"關注BLOG友", 所以我頭先專登去睇番自己D舊BLOG, 睇番大家比我既留言去搵番你地, 同埋我都喺大家既BLOG留咗"遺言", 但唔知點解無啦啦留言要驗證碼 (都唔知有無部份"遺言"因為驗證碼入唔啱搞到個留言無咗)... 唔知YAHOO BLOG幾時會連留言都CUT埋.
同埋我應該下星期就會備份YAHOO BLOG, 當你一開始備份, 你個BLOG就會進入唯讀模式, 唔可以再發表文章, 亦唔可以再比BLOG友留言架啦~ 所以大家備份之前要諗清楚呀!!! 換句話說, 當你一開始備份, 就等如將你個BLOG"送死", 唉, 諗落有D傷感添~ 希望將來喺大家既新BLOG度再見啦~~
其實除咗搬去其他BLOG平台之外, 我都有諗過索性買個DOMAIN NAME+租HOSTING, 整番一個完全屬於自己既小天地. 因為每次個BLOG話要摺, 就又要搵地方搬, 都幾煩.
但可惜我係一個科技白痴, 實際上要點整我唔係好知(我已經花咗2日時間上網搵資料, DOMAIN同租HOSTING大致上我都明, 但之後個BLOG應該點整點搞, 點樣喺我買咗既DOMAIN NAME SHOW到我個BLOG內容, 實際上應該點運作etc., 我就唔明勒...)
其實我本身喺BLOGSPOT都有ACCOUNT, 未有YAHOO BLOG之前, 我都喺BLOGSPOT寫BLOG, 後尾先喺BLOGSPOT搬過黎YAHOO BLOG.
本來都無諗住搬番去BLOGSPOT, 因為覺得唔係太好用. 不過安全起見, 好似暫時KEEP住兩頭住家好D, 所以都留低BLOGSPOT條LINK比大家啦, 將來應該會兩邊BLOG同步UPDATE:
http://chloechingching.blogspot.hk/
2013年8月28日星期三
第2次考QP, 成績公佈
話說6月尾考完兩科QP, 上星期公佈成績, 結果係:
MD (taxation): 1 take pass
MC (auditing): 第2次肥
我以前有做過tax, 所以對MD呢科都有D信心, 同埋人地話MD係咁多科之中最易既一科, 所以我都唔太擔心呢科, 驚只係驚自己time management做得唔好, 做唔晒D題目 (我有題成20分無做到呀~~).
至於MC auditing, 我完全無信心. 一來我無做過audit, 二來我一向唔識吹水... 你一大堆數字叫我計數, 我唔驚. 但你比個case我叫我作野, 係我既弱項.
MC呢科, 有朋友已經借佢補習既NOTES比我溫 (我窮, 到而家為止都無去補習, 好彩有好朋友借我notes), 又有補習社既MOCK卷, 但我真係溫極都無把握. 有時連題目問咩, 到底佢想要咩, 我都唔知...
我身邊一同考MC既2個朋友都肥咗, MC既pass rate好似越黎越低, 今次既pass rate好似係40%. 其實今次唔合格我無唔開心, 因為都預咗, 我只係唔知應該點樣溫呢一科, 如上所述, 我連題目想要咩答案都唔知, 已經死咗一半...
黎緊12月, 我應該只會報番MC呢科, 一次過take兩科我真係應付唔到...
MD (taxation): 1 take pass
MC (auditing): 第2次肥
我以前有做過tax, 所以對MD呢科都有D信心, 同埋人地話MD係咁多科之中最易既一科, 所以我都唔太擔心呢科, 驚只係驚自己time management做得唔好, 做唔晒D題目 (我有題成20分無做到呀~~).
至於MC auditing, 我完全無信心. 一來我無做過audit, 二來我一向唔識吹水... 你一大堆數字叫我計數, 我唔驚. 但你比個case我叫我作野, 係我既弱項.
MC呢科, 有朋友已經借佢補習既NOTES比我溫 (我窮, 到而家為止都無去補習, 好彩有好朋友借我notes), 又有補習社既MOCK卷, 但我真係溫極都無把握. 有時連題目問咩, 到底佢想要咩, 我都唔知...
我身邊一同考MC既2個朋友都肥咗, MC既pass rate好似越黎越低, 今次既pass rate好似係40%. 其實今次唔合格我無唔開心, 因為都預咗, 我只係唔知應該點樣溫呢一科, 如上所述, 我連題目想要咩答案都唔知, 已經死咗一半...
黎緊12月, 我應該只會報番MC呢科, 一次過take兩科我真係應付唔到...
2013年8月23日星期五
HELLO KITTY@朗豪坊
8月14日, 本來流沙包請咗假, 我地原本一朝早可以去街街.
點知... 八號風球, 頂!
人地要返工果陣, 又唔見D八號風球會喺日間掛咁耐 可以比我偷到一日假.
到流沙包同我都齊齊放假果日先黎掛八號風球. (繼續我D死人性格, 賴得就賴
)
結果果日喺屋企呆咗成朝, 無無聊聊唯有整吓甜品, 又會無啦啦整親手指搞到D血流到巴巴聲.
最後等落咗八號先出街, 勉為其難去咗旺角行.
雖然我唔係HELLO KITTY粉絲, 不過既然黎到旺角就去朗豪坊睇吓~







點知... 八號風球, 頂!
人地要返工果陣, 又唔見D八號風球會喺日間掛咁耐 可以比我偷到一日假.
到流沙包同我都齊齊放假果日先黎掛八號風球. (繼續我D死人性格, 賴得就賴
結果果日喺屋企呆咗成朝, 無無聊聊唯有整吓甜品, 又會無啦啦整親手指搞到D血流到巴巴聲.
最後等落咗八號先出街, 勉為其難去咗旺角行.
雖然我唔係HELLO KITTY粉絲, 不過既然黎到旺角就去朗豪坊睇吓~








2013年8月20日星期二
我終於終於終於都考到車牌啦~ 哈哈哈~~
我唔記得有無喺BLOG講過我學緊車.
我考咗3次先合格.
我係駕駛學院學的, 人地話合格率高, 好多人都一TAKE PASS. 但我係例外, 仲要考足三次先合格.
為咗考呢個車牌, 學費+路票+租車費+補鐘錢, 差唔多用咗兩萬蚊. (駕駛學院十五堂學費+學牌+租車+路票已經萬一蚊; 唔合格一次, 補鐘+路票+租車又三千幾)
第一次考係今年既年初五, 仲諗住新正頭, 無咩車喺街, 應該唔難. 不過我唔知原來考朝早的話, 學神唔可以揸一轉出街練習(禁區時間), 所以喺某一個位, 入咗個左彎之後有架死車係路邊, 我發瘟處理不當, 好近架死車先扭軚出(其實我一直扭緊, 不過扭極都未夠), 結果比考官踩停咗, 即肥啦... (第一次考我行水邊圍村)
第二次係今年五月, 下午兩點考宏業東街, 我行緊一條雙程路, 我喺兩邊有死車既情況下見到有對頭車(仲要係貨櫃/拖頭呢D大車), 於是咪停車, 比對頭車過咗之後先再開車囉. 點知當我停第三次既時候(當然唔係連續停啦, 係三個唔同位置, 但情況都係兩邊泊晒死車+迎面有對頭車), 考官出聲話"同學你做咩停咁多次呀? 你停第三次啦喎!". 我果刻呆咗, 我唔明點解咁既情況唔應該停車. 結果當然係又肥啦!
第三次考, 係尋日. 考之前幾日我已經開始坐立不安, 連飯都食唔落(星期日晚同考果日既朝早都只係食咗幾塊消化餅+豆漿). 我考下午兩點廿五分, 其實我考之前都有揸一轉出街, 但係仍然揸得超核突. 到最後我竟然揸到喊... (無鬼用!) 喊唔係因為比師傅鬧到喊, 而係我忟自己, 點解揸咗咁多次, 師傅又講過九萬幾次, 但有D野我依然做漏. 加上有一個位, 我判斷錯咗, 搞到後面架巴士差D撞埋黎, 果吓我突然覺得自己判斷力咁弱, 根本係唔適合揸車, 諗吓諗吓就喊咗出黎了...
到真正考果陣, 我諗過"反正自己唔係揸車既材料, 今次考唔到的話, 或者就算數了..." 反而又好似豁咗出去咁. 到考官上車, 我專心開車, 當喺路口位考官話轉左既時候, 我個心即刻定咗一半, 因為轉左即表示, 一係考水邊圍村, 一係考元朗村. 避開了最難的宏業東街~
到下一個路口, 考官話直去, 我果刻喺內心大叫咗聲"YEAH!!!", 直去即係考最容易最短路程既元朗村, 我心諗"YEAH!, 終於到我考元朗村了!", 當時個心又定咗一大半. 只要唔犯上嚴重錯誤, 無理由唔合格的.
結果, 總算係無驚無險咁返到學院, 我落車果刻舒咗口氣, 心諗"今次應該掂啦掛?". 但入去等成績果陣, 仲驚過未考之前, 個心勁跳, 雙手勁震, 因為唔知會否遇上地獄考官.
到最後拎到成績喺手, 我仲懷疑自己睇錯, 唔敢相信自己能夠合格. 終於PASS, 我真係開心到喊呀! 就算知道PASS咗之後, 我對手仲繼續喺度震緊, 可想而知我心情有幾咁激動.
總結, 第一次考有14個剔; 第二次考有16個剔; 第三次考有7個剔 (我明明係自動波, 根本唔駛入咩1波2波, 唔知點解考官會喺"44. 未能選用適當波檔"果格剔咗, 然後佢圈住個剔寫番"DELETED"再喺隔離簽名. 佢又唔係剔錯咗上一格/下一格喎, 因為果個錯剔既上幾格都下幾格佢都無剔到. 人地話考官係唔係都會求其搵D野剔吓你, 我本來都唔信, 但而家我開始信囉, 哈哈)
我考咗3次先合格.
我係駕駛學院學的, 人地話合格率高, 好多人都一TAKE PASS. 但我係例外, 仲要考足三次先合格.
為咗考呢個車牌, 學費+路票+租車費+補鐘錢, 差唔多用咗兩萬蚊. (駕駛學院十五堂學費+學牌+租車+路票已經萬一蚊; 唔合格一次, 補鐘+路票+租車又三千幾)
第一次考係今年既年初五, 仲諗住新正頭, 無咩車喺街, 應該唔難. 不過我唔知原來考朝早的話, 學神唔可以揸一轉出街練習(禁區時間), 所以喺某一個位, 入咗個左彎之後有架死車係路邊, 我發瘟處理不當, 好近架死車先扭軚出(其實我一直扭緊, 不過扭極都未夠), 結果比考官踩停咗, 即肥啦... (第一次考我行水邊圍村)
第二次係今年五月, 下午兩點考宏業東街, 我行緊一條雙程路, 我喺兩邊有死車既情況下見到有對頭車(仲要係貨櫃/拖頭呢D大車), 於是咪停車, 比對頭車過咗之後先再開車囉. 點知當我停第三次既時候(當然唔係連續停啦, 係三個唔同位置, 但情況都係兩邊泊晒死車+迎面有對頭車), 考官出聲話"同學你做咩停咁多次呀? 你停第三次啦喎!". 我果刻呆咗, 我唔明點解咁既情況唔應該停車. 結果當然係又肥啦!
第三次考, 係尋日. 考之前幾日我已經開始坐立不安, 連飯都食唔落(星期日晚同考果日既朝早都只係食咗幾塊消化餅+豆漿). 我考下午兩點廿五分, 其實我考之前都有揸一轉出街, 但係仍然揸得超核突. 到最後我竟然揸到喊... (無鬼用!) 喊唔係因為比師傅鬧到喊, 而係我忟自己, 點解揸咗咁多次, 師傅又講過九萬幾次, 但有D野我依然做漏. 加上有一個位, 我判斷錯咗, 搞到後面架巴士差D撞埋黎, 果吓我突然覺得自己判斷力咁弱, 根本係唔適合揸車, 諗吓諗吓就喊咗出黎了...
到真正考果陣, 我諗過"反正自己唔係揸車既材料, 今次考唔到的話, 或者就算數了..." 反而又好似豁咗出去咁. 到考官上車, 我專心開車, 當喺路口位考官話轉左既時候, 我個心即刻定咗一半, 因為轉左即表示, 一係考水邊圍村, 一係考元朗村. 避開了最難的宏業東街~
到下一個路口, 考官話直去, 我果刻喺內心大叫咗聲"YEAH!!!", 直去即係考最容易最短路程既元朗村, 我心諗"YEAH!, 終於到我考元朗村了!", 當時個心又定咗一大半. 只要唔犯上嚴重錯誤, 無理由唔合格的.
結果, 總算係無驚無險咁返到學院, 我落車果刻舒咗口氣, 心諗"今次應該掂啦掛?". 但入去等成績果陣, 仲驚過未考之前, 個心勁跳, 雙手勁震, 因為唔知會否遇上地獄考官.
到最後拎到成績喺手, 我仲懷疑自己睇錯, 唔敢相信自己能夠合格. 終於PASS, 我真係開心到喊呀! 就算知道PASS咗之後, 我對手仲繼續喺度震緊, 可想而知我心情有幾咁激動.
總結, 第一次考有14個剔; 第二次考有16個剔; 第三次考有7個剔 (我明明係自動波, 根本唔駛入咩1波2波, 唔知點解考官會喺"44. 未能選用適當波檔"果格剔咗, 然後佢圈住個剔寫番"DELETED"再喺隔離簽名. 佢又唔係剔錯咗上一格/下一格喎, 因為果個錯剔既上幾格都下幾格佢都無剔到. 人地話考官係唔係都會求其搵D野剔吓你, 我本來都唔信, 但而家我開始信囉, 哈哈)
2013年8月19日星期一
我係小忌廉@藍灣廣場
小忌廉, 可以講係我兒時第一個偶像, 所以得知小西灣既藍灣廣場有小忌廉30週年既活動, 我即使住喺元朗都一定要入去睇吓.
我咁大個女, 其實連柴灣都未踏足過, 更加唔好話小西灣... (就正如住港島既人話自己從來未入過元朗一樣啫), 由元朗出發先搭968去到灣仔, 再搭788城巴去到總站落車, 估唔到又唔係想像中咁遠.
去到灣仔, 先喺稅局隔離既Delifrance食個悠閒早餐:

去到藍灣廣場了, 其實個展覽好細, 一眼睇晒:











離開小西灣, 搭番788, 去到中環落車, 目的地係豚王~

我係D唔鍾意同人地逼新C坑既人, 所以今時今日先第一次食豚王, 不過試過之後都係覺得不外如是啫, 唔係唔好食, 但唔算好好食囉, 只是不過不失罷了...
我咁大個女, 其實連柴灣都未踏足過, 更加唔好話小西灣... (就正如住港島既人話自己從來未入過元朗一樣啫), 由元朗出發先搭968去到灣仔, 再搭788城巴去到總站落車, 估唔到又唔係想像中咁遠.
去到灣仔, 先喺稅局隔離既Delifrance食個悠閒早餐:

去到藍灣廣場了, 其實個展覽好細, 一眼睇晒:












離開小西灣, 搭番788, 去到中環落車, 目的地係豚王~

我係D唔鍾意同人地逼新C坑既人, 所以今時今日先第一次食豚王, 不過試過之後都係覺得不外如是啫, 唔係唔好食, 但唔算好好食囉, 只是不過不失罷了...
2013年8月14日星期三
又食Sunday brunch@The Lounge -- JW Marriott Hotel
為慶祝墨魚媽既生日, 黎JW Marriott既The Lounge食Sunday brunch已經成為咗指定動作.
舊年因為book唔到7月, 同墨魚媽提議不如試吓第二間, 點知墨魚媽既反應係寧願唔食. 所以今年不敢鬆懈, 早個幾月前就打去酒店訂定位. 價錢已經加到$710/位(包酒精飲品) or $610/位(唔包酒精飲品), HSBC白金卡有8折.
食咗幾年, 其實都無咩想再講, 可能大家都食到無咩驚喜, 所以我地提議下年不如試吓第二度啦, 墨魚媽似乎無咩異議, 所以短期內應該都唔會再黎幫襯了.
另外今年見到王馨平同佢老公+兩位老人家坐喺對面枱.




食完個brunch就行咗陣PP, 經過我既賣飛弗朱古力店, 忍唔住入去睇咗陣, 其實就算去到歐洲我都唔捨得買黎食. 不過今次呢盒係流沙包送, 嘻嘻~
10粒裝盛惠$260:

舊年因為book唔到7月, 同墨魚媽提議不如試吓第二間, 點知墨魚媽既反應係寧願唔食. 所以今年不敢鬆懈, 早個幾月前就打去酒店訂定位. 價錢已經加到$710/位(包酒精飲品) or $610/位(唔包酒精飲品), HSBC白金卡有8折.
食咗幾年, 其實都無咩想再講, 可能大家都食到無咩驚喜, 所以我地提議下年不如試吓第二度啦, 墨魚媽似乎無咩異議, 所以短期內應該都唔會再黎幫襯了.
另外今年見到王馨平同佢老公+兩位老人家坐喺對面枱.




食完個brunch就行咗陣PP, 經過我既賣飛弗朱古力店, 忍唔住入去睇咗陣, 其實就算去到歐洲我都唔捨得買黎食. 不過今次呢盒係流沙包送, 嘻嘻~
10粒裝盛惠$260:

2013年8月7日星期三
lunch buffet@Cafe Kool, Kowloon Shangri-La -- 個人認為極之一般囉...
2013年7月13日(六), 我地出咗尖東食buffet.
今次我地揀咗九龍香格里拉既Cafe Kool, $318/位, HSBC白金卡有8折. 食完之後我覺得普普通通.
海鮮方面得D蟹腳, 蟹鉗同蜆. 熟食方面好似有好多咁, 有即煮pasta, 即煮湯粉麵同粥. 問題係我黎得食buffet, 我會唔會食得落pasta+湯粉再加多碗粥呢? 熱盤都係麻麻地, 唔吸引囉...
果度仲有個印度corner, 有印度咖喱呀, 薄餅呀, 印度式煮茄子/菠菜etc., 對於唔好印度野既我, 即係完全無晒選擇.
係甜品方面叫做令人滿意少少, 雪糕係Haagen-Dazs, 有大約十款味道, 同埋有炒雪糕. 搞笑在仲有光酥餅, 芝麻餅提供.










食完buffet我地打算去睇吓忌廉哥, 不過得忌廉嫂喺度, 忌廉哥仲訓緊.


我地等咗陣, 忌廉哥終於起身啦, 佢一出巡, 即刻吸引到大批人圍住.

之後我地行咗陣海港城, 到咗四點幾, 流沙包要返元朗做野, 我就自己去做facial.
做完facial我入元朗家政坊買整cake材料, 家政坊都有肥貓, 今次佢訓咗落籃, 忍唔住要影佢相.

夜晚等流沙包11點做完野, 我地去咗B仔食宵夜. 其實我一向都唔係好鍾意食B仔, 不過今晚唔想行太遠, 所以就是是但但黎咗B仔.
黎到無咩野想食, 求其叫咗個芒果黑珍珠, 我決定以後都唔會再叫呢款甜品, D黑珍珠黑色細細粒, 講真有昆蟲仔跌咗落去都唔覺囉, 賣相完全令人無晒食欲...



今次我地揀咗九龍香格里拉既Cafe Kool, $318/位, HSBC白金卡有8折. 食完之後我覺得普普通通.
海鮮方面得D蟹腳, 蟹鉗同蜆. 熟食方面好似有好多咁, 有即煮pasta, 即煮湯粉麵同粥. 問題係我黎得食buffet, 我會唔會食得落pasta+湯粉再加多碗粥呢? 熱盤都係麻麻地, 唔吸引囉...
果度仲有個印度corner, 有印度咖喱呀, 薄餅呀, 印度式煮茄子/菠菜etc., 對於唔好印度野既我, 即係完全無晒選擇.
係甜品方面叫做令人滿意少少, 雪糕係Haagen-Dazs, 有大約十款味道, 同埋有炒雪糕. 搞笑在仲有光酥餅, 芝麻餅提供.










食完buffet我地打算去睇吓忌廉哥, 不過得忌廉嫂喺度, 忌廉哥仲訓緊.


我地等咗陣, 忌廉哥終於起身啦, 佢一出巡, 即刻吸引到大批人圍住.

之後我地行咗陣海港城, 到咗四點幾, 流沙包要返元朗做野, 我就自己去做facial.
做完facial我入元朗家政坊買整cake材料, 家政坊都有肥貓, 今次佢訓咗落籃, 忍唔住要影佢相.

夜晚等流沙包11點做完野, 我地去咗B仔食宵夜. 其實我一向都唔係好鍾意食B仔, 不過今晚唔想行太遠, 所以就是是但但黎咗B仔.
黎到無咩野想食, 求其叫咗個芒果黑珍珠, 我決定以後都唔會再叫呢款甜品, D黑珍珠黑色細細粒, 講真有昆蟲仔跌咗落去都唔覺囉, 賣相完全令人無晒食欲...



訂閱:
文章 (Atom)
