如果我係曬極唔黑既人, 我諗我都無咁抗拒戶外活動. 但好可惜我曬一曬就會黑, 之但係即使唔再曬亦都唔會白番, 所以我好討厭曬太陽, 更加唔鍾意戶外活動.
流沙包話約咗人玩獨木舟, 本來我都唔打算跟埋去玩, 不過我一聽到話有得燒雞翼, 即刻話要join. 我唔鍾意曬啫, 但我鍾意食吖嘛~
佢地一朝早出海玩獨木舟, 我就做攝影師啦~~
要玩就要付出勞力同代價, 先要自己動手搬野:
運動前當然要講解同埋最緊要既熱身運動:
出海啦, 你地玩得開心D啦~ 我係碼頭吹吓風, 老人與海咁得架啦~~
到佢地玩完獨木舟, 終於都到燒雞翼時間, 可惜果日天氣其實麻麻地, 到咗BBQ時先落雨... 同埋好多野食都燒唔晒, 好彩有人將燒唔晒既食物拎番屋企, 都唔會嘥咗D野.
2 則留言:
U係会晒黒、会吾会出班？
我係晒極都吾黒、不過会出班果度死亜！
因為我本身唔係白底, 所以一向唔會出斑, 只會變黑.
不過唔知係咪年紀大, 之前去咗幾日星馬, 發覺塊面有少少斑浮咗出黎, 嗚... 好彩唔係好覺眼囉.
發佈留言