2009年10月25日(日) -- 河口湖之旅 Day 2 (part 3) -- ukai河口湖オルゴール の森

離開木之花美術館, 我地繼續行路去下一個景點: ukai河口湖オルゴールの森

 

如果好天的話, 呢度係會望到富士山架, 唉...

 

 

 

 

呢度我地磨佐好耐, 因為我地睇晒D表演.

表演包括音樂噴泉:

呢個全世界最大既唔知乜乜乜(我唔識中文係咩呀, 總之係會奏樂架啦):

仲有弦樂演奏:

呢D全部都會郁架, 有staff會即場示範同講解, 好好睇:

呢個勁呀, 城堡裏面D公仔會轉動架:

 

黎到賣手信既舖頭:

呢D唔係真生果黎架, 係音樂盒黎架, 本來好想買番個, 但諗諗吓佢成個"啤"實晒, 無得拆開換電架喎, 所以都係無買到:

出口附近有個rose garden:

呢個已經係我地行ç¨
‹æ—¢æœ€å¾Œä¸€ç«™, 我地先返河口湖駅醫肚先.

我既咖喱烏冬:

呢個勁呀, 叫富士山咖喱飯, 睇舊飯幾有氣勢...:

上車返新宿lu:

由河口湖返新宿, 正常應該係兩小時左右既車程, 但係勁塞車囉, 加上又落雨, 差唔多用佐三個鐘先返到新宿...

河口湖之旅, 有驚無險地完結.

2009年10月25日(日) -- 河口湖之旅 Day 2 (part 2) -- 木之花美術館

我地行到黎目的地, 木之花美術館.

 

 

 

其實本來係有諗過入場既, 但係我地今日決定早D離開河口湖返新宿, 加上黎到發覺個美術館又唔係太吸引, 裏面唔可以影相, 所以最後都無比錢入去參觀. 只係入去裏面間shop兜佐個圈, 係附近影吓相就算. 間shop D products我覺得貴得痴線... (sorry我唔識藝術, 我唔知呢位美術家有幾出名...)

木之花美術館網頁

 

 

係美術館行入少少, D風景都好靚架.

 

 

同一時間有齊綠色, 紅色, 黃色, 勁!:

2009年10月25日(日) -- 河口湖之旅 Day 2 (part 1) -- 漫步河口湖畔

尋晚落雨落佐成晚, 希望佢快D落鬼晒, 今日會好天啦, 我想睇日出呀... 於是今朝晨咁早四點幾就起佐身, 點知...

今日都係陰天呀, 嗚... 頂呀!! 我既富士山呀...

睇唔到日出, 咪唯有再浸吓溫泉, 等到7點半落樓食早餐.

我初初以為早餐又係食埋D燒魚同白飯既日式早餐, 點知原來係自助餐喎, 驚喜~~:

食完早餐出餐廳出面影吓相:

酒店10點要check out, 我地去到最後一分鐘先離開, 走之前再係酒店影多幾張相.

 

最右面果間就係我地住既房啦:

開估, 酒店房租係每位31,500円. 埋單計埋入湯稅同埋尋晚order既飲品, 約65,000円.

10點check out後, 要10點半先有巴士經過, 所以我地決定行路去下一個景點. 沿途風景也不錯啊~

 

 

 

 

 

 

呢度見到好多生果樹:

連坑渠蓋都靚過人:

欄杆都好得意, 有富士山個樣:

2009年10月24日(六) -- 河口湖之旅 Day 1 (part 7) -- 酒店既勁正晚餐

今次黎溫泉酒店, 我終於成功地衝破佐我既心理關口, 就係去佐露天風呂同其他人一齊赤條條咁浸溫泉.

我以前黎日本, 一定book露天風呂付客室(今次都一樣係風呂付客室), 因為始終唔想剝晒衫同其他人一齊浸(如果我身材正D怕咩剝呀~). 所以我從來都未試過去浸酒店既露天溫泉.

但今次黎到突然豁佐出去, 竟然肯除晒衫同其他人肉帛相見, 我都估自己唔到. 其實我又唔識其他人, 人地又唔識我, 大家都係女人, 怕咩啫. 係香港人唔習慣, 扭扭擰擰搞到尷尷尬尬咋麻, 只要唔好覺得尷尬, 唔好閃閃縮縮咁, 其實根本就無咩野. 不過當然今次係因為無熟人一齊浸我先夠膽啦, 你話如果下次同朋友/屋企人一齊黎, 我都係死都唔會一齊去浸架. (都係果句, 如果我身材fit D怕咩比朋友見呀)

浸完溫泉, 我地6點就去食晚飯. 呢間酒店真係服務一流, 我地一出餐廳果層既lift口, 就已經見到有人企正係lift口迎接. 然後帶到你入餐廳, 又見到四, 五個侍應一字排開咁恭迎你入座, 勁!~

上次公司旅行食果餐我已經覺得好正, 估唔到今晚呢餐仲要正好多倍, 唔講咁多啦, 睇相啦~~

龍蝦刺身, 好味好味~:

無錯, 我係左手揸筷子的:

 

 

 

 

 

 

 

 

 

 

食完飯就返房睇電視, 嘆吓張按摩椅.

有字幕顯示既電視機呀~ 日本電視唔似香港咁, D節目本身就已經連埋字幕, 日本呢度出唔出到字幕要視乎電視機既功能. 如果宿舍果部電視都出到字幕就好啦, 我日文一定進步神速:

唉, 成晚都落住雨...

 

浸完溫泉又食飽飽, 實在太舒服, 我明明係床度睇緊電視, 但都同流沙包一樣不知不覺咁就訓著佐.