我地下午去咗深井既大衞餐廳食個lunch先.
果度既食物唔錯, 質素有番有咁上下, 服務好好, 價錢唔貴, set lunch $68(另加一服務費), 不過D野就出得好慢. 我地唔趕時間, 不過我地食完個甜品都急急腳走, 趕住去攞車呀, 唔想過咗少少時間又要比多1粒鐘parking fee.
我地第一站去咗流沙包喺那些年做過救生員既沙灘, 而家呢個沙灘因為水質問題已經唔游得了...
要去沙灘, 先要經過呢條樓梯:
沙灘望出去, 左面係汀九橋, 右面係青馬大橋, 個view唔錯喎~~
下一站我地去到機場核心計劃展覽中心, 裏面其實唔大, 不過免費入場, 同埋可以認識吓D基建, 我覺得都幾值得黎.
跟住我地就出發上大帽山, 可惜天氣真係麻麻, 有D毛毛雨, 仲要好鬼凍添呀~~
去到接近山頂, 係天文台禁區範圍, 車唔可以上, 唯有泊低架車再行上去.
行咗都唔記得幾耐 (上山唔難, 落山果吓先行到腳痛), 終於見到天文台啦, 高度係880米:
沒有留言:
發佈留言