Okinawa World有幾個部份, 分別係王國村, 玉泉洞, 同埋毒蛇博物公園, 因此入場費亦有不同, 我今次只係想去王國村及玉泉洞 (墨魚妹話打死都唔會去睇毒蛇, 而我自己本身亦無興趣), 所以入場費係1,200円.
不過因為我買咗package (3,000円可以去5個景點, Okinawa World係其中一個可到景點), 所以將條數除番開之後就唔駛1,200円咁貴. 我去到Okinawa World出示今朝喺JTB買既package換領券, 就可以兌換成入場券架啦~
入到Okinawa World, 我地首先去玉泉洞參觀, 入到去真係嘆為觀止, 我覺得黎到沖繩, 真係應該黎呢度睇吓, 你會驚嘆大自然既鬼斧神工. 到底有幾值得黎? 睇相啦~~~
行完玉泉洞, 出番黎就係王國村, 王國村亦分為幾個部份, 包括有熱帶果園, 琉球玻璃王國工房同埋琉球王國城下町.
呢度係熱帶果園, 種咗D果樹, 果度有D舖仔, 有D生果呀, 手信呀, 小食呀賣咁囉.
跟住係琉球玻璃王國工房, 可以體驗自製玻璃, 亦有手信店賣各式各樣既玻璃產品.
呢度係琉球王國城下町, 有D懷舊玩意, 有藝術品擺賣咁.
再隔離就係南都酒造所, 有賣酒既手信店, 裏面可以比你試酒, 果度有D酒係用蛇浸既添.
呢隻係琉球古船喎 (應該係仿製品吧):
好耐無飲過Qoo了, 見到包裝咁得意, 水樽上面亦浮現咗Qoo個樣出黎, 所以就買咗支留念:
總括黎講, 我黎Okinawa World主要係去玉泉洞, 王國村比我既感覺就係各式各樣賣手信既地方, 無咩特別, 不過佢衰在無玉泉洞only既入場費咋嘛, 玉泉洞既入場費係要連埋王國村, 所以要1,200円囉.
行行吓Okinawa World, 我對於尋日取消咗既觀鯨活動仍然係耿耿於懷, 雖然我已經改book咗最後果日(30號)出海觀鯨, 但如果當天咁唔好彩又要取消呢? 所以我今日依然死心不息, 想打去問吓聽日有無位, 如果book到聽日出海, 最多我改少少聽日原本既行程, 遲少少先北上囉. 最後終於真係比我問到聽日有位, 佢地又肯比我由30號改做聽日既booking, yeah!!! 聽日可以出海觀鯨啦~~~
沒有留言:
發佈留言