沖繩七天之旅 Day 3 (Part 1) -- 26 March 2013 (TUE)

行程第3日, 要南下同北上, 所以今日開始租車.

租車公司係OTS, 佢本身有中文網頁, 但識日文既我梗係去佢既日文網頁睇吓, 對比之下發覺中文網頁只有"STANDARD PLAN", 而日文網頁既租車PLAN比中文網頁就多好多, 例如有"舊車PLAN", "越早BOOK折扣越多PLAN", "租車+景點入場費PLAN"之類, 如果你肯細心去搵, 可以搵到D便宜既PLAN架~ 所以我就喺日文網站BOOK, 4日租車費連保險係12,600円. 另外我地去到COUNTER租車時, 買埋個額外保險 (525円/日, 內容包括可以遲還車1小時, 如果唔好彩壞咗車可以豁免拖車費etc.), 所以總共用咗14,700円.

我地租既車仔:

我地9點幾去到DFS既OTS COUNTER辦手續, 當時已經有唔少人排緊隊, COUNTER有職員講普通話, 方便香港/台灣旅客.攞咗車之後仲未可以出發, 因為話說尋日我喺機場發現到3,000円可以去5個景點既PACKAGE, 但可惜我返轉頭果陣個JTB COUNTER已經CLOSE咗. 所以焗住要今朝去買, 好彩我問到JTB喺我酒店附近有OFFICE, 唔駛專登返番機場買. 於是我就等JTB OFFICE 10點鐘一開門我就衝入去買, 買完先開車出發.

JTB比你既只係"換領券", 唔係真正既入場門票, 你要拎住呢張"整理票"去到第一個景點, 到時喺果度再換門票:

黎到日本又點可以唔去魚市場呢? 今日第一站去咗泊市場, 泊市場喺那霸市, 我見有blogger無租車, 佢地搭到去最近泊市場既單軌列車站, 然後行大約半小時入去都可以.

泊市場裏面得一間舖頭賣魚生飯, 可以比人坐低慢慢食. 其他舖頭都係賣魚, 賣包裝好既刺身之類.

即買即食生蠔:

魚市場入面唯一一間食魚生飯既舖頭:

左面既係墨魚汁味噌湯, 成碗都黑忟忟:

今日食魚生飯同刺身做早餐, 哈哈~~