2006年2月2日(四)
今日我地終於要離開北海道啦~ 我地朝早先去佐流冰館, 見到D好得意既魚魚同埋好出名既天使魚. 跟住就搭巴士去女滿別機場落東京, 去到機場見到有個溫度牌, 係零下八點六度呀~! 但可能我地係網走呢兩日都陽光普照, 又無咩風, 所以又唔係想像中咁凍喎...
上到機我地問空姐睇下有無啤牌拎, 因為JAL既啤牌係幾靚架麻. 但原來內陸機係無啤牌的. 不過個空姐好好人呀, 雖然我地拎唔到啤牌, 但佢送個佐JAL模型飛機同一個JAL既HELLO KITTY名牌比我地呀, 好開心, 呢D真係有錢都未必買到架麻~
去到東京我地住池袋既HOTEL THEATRE, 我地先去係白目既D310, 因為男友佢要去掃貨. 跟住我地返池袋行佐陣西武就去食飯勒. 我地今日食飯既地方叫串家物語, 係自助形式既串燒放題. 佢有各種生既串燒串好佐係度任拎, 然後就可以返埋位醮D粉漿同面包糠就可以落油炸, 好好玩好正呀~ 仲有D甜品同任食軟雪糕添喎~ 跟住我地就去佐各大既遊戲機中心夾公仔, 收穫總算不過不失啦.
沒有留言:
發佈留言