地址: 元朗教育路29號地下C舖
電話: 35210387
唔知點解元朗咁鬼多日本料理, 咁多競爭下有D舖頭仲可以大排長龍, 於是我同男友都跟風走去排餐矇試下係咪真係咁抵食.
裏面當然好細好迫唔會坐得舒服, 張枱都放唔晒我地order既食物咁濟. 不過講真真係幾抵食, 同埋我覺得味道都唔錯. 我最鍾意叫芝士豬扒卷, 雞軟骨串同埋炒蜆(不過D蜆其實幾多沙下)
黎呢度千祈唔好叫壽司(除非你想淨食壽司塞飽自己), 係得舊飯大, 其實都唔抵食.
同埋元朗D日本料理多數就係人齊先比你入架, 同埋都會限時食, 真係無情講架. 因為日日都大排長龍, 佢地根本都唔休做. 如果你係接受唔到佢地既「規 矩」, 咁奉勸大家都係唔好幫襯元朗既日本料理, 因為真係貼錢買難受~ 又或者你可以比每人$100既最低消費(即係兩個人要食夠$200, 五個人要食夠$500), 咁就可以唔駛排隊攞籌又唔駛限時咁入去食.
是次每人消費約$70元
沒有留言:
發佈留言