2006年2月5日(日)
今日終於都要離開日本了, 嗚嗚. 朝早我地先去佐上野買SKYLINER, 順便係車站locker放低埋個喼, 然後係附近食迴轉壽司. 跟住我地就去淺草寺, 講真我黎第五次東京先踏足呢度... 可能今日係星期日既關係? 所以好熱鬧好多人. 跟住我地就途經三越諗住行下, 因為我仲未掃到貨呀, 但係三越都無咩特別野行, 好失望呀.
我地因為要搭15:20分果班SKYLINER, 所以要15:00返番上野. 去到上野只係兩點幾, 所以最後行埋附近既百貨公司, 估唔到比我係度遇到ANGES B, 仲比我睇中佐兩個袋, 好抵呀, 一個七千幾YEN, 一個好似一萬二千YEN, 男友找數, 好開心呀~ 估唔到臨走終於都買到野, 好開心好開心~~ 我地臨上車前仲去買佐兩盒士多啤梨添喎~
我地搭18:45既UA返香港, 四鐘幾去到機場已經有好多人, 本來想係機場行下, 但見咁多人都係早D入閘算. 不過我地入閘後都仲買多兩盒菓子.
班機大約十點幾到達香港國際機場, 我地既日本之旅就正式完結囉~ 聽日仲要返工添喎, 嗚嗚...
沒有留言:
發佈留言