2007年1月13日(六)
今日一朝早就出去做facial, 之後就自己一個人行佐陣元朗, 我終於買到褂鞋啦, $70. 下午返屋企開機洗衫, 本來一向都拎落去樓下磅洗, 從來都唔會開機洗衫, 但係我積佐一堆衫唔可以拎去磅洗, 怕一乾衣就會縮水, 成日話得閒先一次過用手洗, 今日索性開機用冷水洗.
夜晚就去佐天水圍陪阿媽食飯, 食完飯我地行佐陣嘉湖銀座, 而家有裕華國貨做緊展銷, 估唔到呢度都有龍鳯被賣, Casa Calvin被袋連床笠連枕袋, 除佐king size外全部都只係$599, 抵呀~~ 反正龍鳯被都唔會成日用, 唔駛買咁貴呀. 我見雅芳婷果D平極都成千蚊, 真係唔買呀~~~ 
5 則留言:
我想問而家係咪冇人會著秀花鞋ga la??
I will use 秀花鞋
我雖然結左婚年幾,不過仲有用龍鳳被喎
三姑, BB Yee: 其實會有人著繡花鞋, 我唔著係因為我見繡花鞋著一次就無下次(總不成平時著黎出街掛?), 所以我咪想買對紅色鞋做褂鞋, 咁第時出街都可以著得番麻. 吳家吾居: 因為我地而家用緊既床單都三套, 未開封果d又有三, 四套係度. 所以如果平時更換的話, 排隊都輪唔到用龍鳳被住. 我諗係新年先會攞番出黎用掛~
我結婚都係著紅鞋, 冇著繡花鞋. 不過對紅鞋都係著左一次O乍
發佈留言