離晒譜, 叫我地31號四點前還衫, 點知Global Wedding放假!!??

GW之前要我地係12月31日四點前還衫, 於是我地晏晝係元氣壽司食完lunch就搭車出去, 點知出到去發覺佢地office無開, 打電話聽到留言先知佢地今日休息一天, 有無搞錯呀!!! 又叫我地今日黎還衫?? 即刻摷下佢放係門口D傳單有無Queenly手提電話, 好彩真係搵到, 即刻打比Queenly, 點知又飛佐去留言, 真係火都黎!!! 無奈之下打算將袋衫放係我公司先, 無理由咁戇居拎袋衫出黎又拎返番元朗架麻!! 鬼死咁大袋, 好彩我有帶公司卡啫!! 去到地鐵站Queenly打黎, 佢話可以去尖沙咀還, 係金巴利道既新婚情報,  於是咪唯有落尖沙咀還衫囉, 真係離晒大譜架!!! 嘥我地時間, 仲要我地嘥成十蚊過海!