關島結婚之旅 Day 2, part 4 -- 終於食飯, 然後去Underwater World同K-mart

2006年12月26日(二)

註冊完返到酒店都已經三點幾四點, 成日都仲未食過D咩, 返到酒店即刻叫其他人起身出發去食飯. (嗚~ 我同流沙包兩個人都無得訓) 我一早plan佐要去Royal Orchid Hotel既Copricciosa食墨魚面, 於是我地就搭Lam Lam Tour既綠色線去, 我地要買free pass, $10可以搭足七日(但唔包括南部線同情人崖線), 點知司機叔叔話佢身上得四張pass, 要去到Micronesia Mall個車站先可以拎多四張pass比我地, 就係咁我地明明搭3個站就可以去到Royal Orchid Hotel食飯, 但就足足兜佐成個圈, 搭佐個幾鐘, 搭多20個站先可以去到食飯, 去到餐廳坐低已經五點幾.

Lam Lam Tour既巴士

我地點佐個雜菜湯, 墨魚面, pizza同pasta.

雜菜湯: 好大碗呀, 個樣好似好辣, 但就係羅宋湯味, 唔辣.

墨魚面: 超好食, 勁大碗, 我地八個人食先勉強clear到佢.

pizza: OK!

Pasta: 都好食.

由於我地有張coupon, 可以有free dessert, 係兩個勁大既四色雪糕, 黐線架, 每個雪糕球好似拳頭咁大, 我地八個人根本都食唔晒.

食完飯之後六點幾我地搭返綠色線向Underwater World進發, 果本咁既旅遊書D資料都唔啱既, 書上面寫開到八點, 我地仲猶豫緊得番一個鐘左右, 去唔去Underwater World好, 去到發現原來開到九點半, 九點半之後仲有lounge添, 即係0係裏面set晒枱可以飲酒傾計果隻. $20入場費, 共有兩層, 唔係好大, 好快就行完晒, 如果你去慣晒日本D水族館動物園, 其實呢個Underwater World真係唔去都得, 不過我見US$20入場費都唔算貴, 又老少咸宜, 所以咪plan佐黎呢度囉.

(: 我阿媽; : 我個妹; : 我奶奶; : 流沙包個妹; : 流沙包阿姨; : 流沙包妹夫)

行完Underwater World都只係八點幾, 本來打算係附近如ABC Store行下, 我見有咁多時間剩不如去K-mart啦, 買野都平D, 於是我地又搭綠色線去K-mart, 大家分頭行佐陣, 買佐D手信, 食物, 同埋買佐樽水, 九點幾就搭番車返酒店勒.

第二日既關島之旅就係咁勒.