9號果日鬼咁忙, 同事放大假, 我鬼咁多野做, 咁啱星期二又要出貨, 已經忙上加忙架啦. 我XYZ%$#@&^, 我都唔知係公司cheap唔肯花D錢係hardware度, 定係外在問題, 總之個V-SCOPE SYSTEM就成日都有問題, 餐餐D EDI料都要等足大半日先收到!! 頂呀, 趕住出貨呀, 麻X煩, 唔出貨果日又唔壞, 最忙又要出貨果日先黎壞, 無病呀?? 
由朝等到三點幾都收唔到料, 下午話正常番, 但我D料就唔見晒. 問番IT, 佢地話已經放番晒出黎啦喎, 無野啦喎~ 咁我D野去晒邊呀?? 正PK黎架!! 發生咩事呀?? 唔通要我逐張人手自己入過呀?!!! 後尾搵阿「大家樂」幫手, 佢將D料再load多次出黎先得咋. 真係火滾呀! 我都唔明, 咁大間公司, 三日唔埋兩日就係壞System, 再唔係就上唔到網, 一係就Lotus Notes開唔到, 一係就scan份document要幾個鐘先出到黎, 完全係不知所謂!!! 真係做到爆血管!!! 我都唔知到底係邊個既問題, 我淨係知IT班人日日準時五點半就放工走晒...
2007年1月26日星期五
三日唔埋兩日就壞system!!!!!!!!!!!!!!
訂閱：
發佈留言 (Atom)
4 則留言:
我成日以為我舊公司啲電腦人薪高準時放工,有問題就搵唔到人, 哈哈...原來真係一山還有一山高!
真係好嬲wo, xyz%#咩都出哂
淑女唔應該講粗口
小綠: 我公司班IT人都好free下架, 成日圍埋係度吹水, 一打鐘就執野一齊走人, 幾爽架~~ 三姑: 我嬲到爆呀!! 豬豬俠: 我唔係淑女, 可以任講, 哈哈~
發佈留言