關島結婚之旅 Day 1 -- 夜機飛關島

2006年12月25日

終於到佐出發關島既日子啦~ 我地夜晚11點半機, 大約九點去到機場, check-in唔多人. 因為Co-Holidays早前做promotion, 如果新人連同六位親友一同出發, 兩位新人可以免費upgrade到business class, 我地去關島呢程可以坐business class(但返黎就話無business class要坐番E-class), 入閘後我地可以去lounge度坐下, 佢係港龍既lounge, 我第一次入去呢D頭等候機室, 裏面係好多梳化, 有D三文治, 生果, 果汁, 飲品, 酒, 報紙雜誌, 電腦上網咁囉.

10點45分我地去番12號閘口等登機, 班機唔算多人, 可以準時起飛. B-class無咩特別, D座位大D闊D囉, 未起飛就有人拎野比你飲, 至於有咩特別野食我就唔知勒, 我聽到有D刀刀叉叉聲, 但我已經攰到死佐, 全程係咁訓.

班機好快就到達關島, 香港時間11點半起飛, 關島快兩小時, 關島時間五點半左右就到達關島勒.

關島個機場好細, 感覺好落後咁. 我地要填一張細既白色入境form同一張大既唔知咩declaration既form, 過關都算快. 不過流沙包阿姨就有D阻濟, 因為阿姨揸葡國護照, 佢同我地唔同, 唔係填白色入境form, 原來要填綠色, 所以要返轉頭再填過, 但關島機場D staff又死咕咕, 阿姨話要綠色form, 個地勤懶醒話係白色form, 死都唔比張綠色form, 於是阿姨又填多次白色form, 擾擾攘攘佐好耐先過到關.

大約六點幾出到機場, 有吉多旅行社既導遊黎接機.

機場出面: