2006年12月31日(日) -- 除夕倒數

還完衫我地就搭車返屋企勒, 因為我地無諗過要出黎倒數, 明知今日人又多又迫, 我連行街都唔想行就搭車返去勒. 元朗人話今晚打邊爐, 我地去佐屯門食豬骨煲, 跟住去佐間叫維多利亞既bar join埋振宇佢地倒數除夕, 佢地見到我即刻叫我做劉太...  我地玩下骰盅, 啤牌, 掟下飛鏢. 中間我陪Ruby出佐去抖下氣, 佢講佐好多佢既野比我知, 之前我地夾夾埋埋都唔知有無傾過十句計, 估唔到今晚佢會同我講佐咁多佢既野. 快樂不知時日過, 當我地話要去宵夜, 然後又去番頭先食豬骨煲既地方坐低時, 先發覺原來已經係凌晨五點啦, 嘩, 咩時間過得咁快既? 都唔覺原來已經五點, 呢餐都唔算宵夜, 可以叫早餐啦. 食完飯就搭的士返屋企大覺訓勒. (我訓到下午四點先起身)