關島結婚之旅 Day 2, part 3 -- 去辦理註冊手續

2006年12月26日(二)

briefing只係約二十分鐘就完成. 十二點我地要上番lobby等人車我地去政府部門註冊. 我地係Marriott Hotel影下相, 行下shop, 呆坐... 明明見到頭先車我地黎果個中韓混血兒係度幫我地填緊form, 但好耐都未可以出發, 一直等到十二點半, 原來我地明明應該有六pair新人一齊去辦理註冊手續, 但有一pair人唔知去佐邊無出現到, 原來我地係度呆坐半粒鐘就係等佢地

. 等佐半個鐘都等唔到, 個staff就話唔再等出發啦. 我地一行十人分佐兩架車, 我地首先去到一間類似郵遞公司既shop, 我地全部人都好奇怪點解會黎佐D咁既地方, 果度有個鬼佬(應該係間shop既職員), 佢望一望我地謢照, 寫低D資料, 然後佢係份document度畫隻龜, 咁我地就走得再出發去第二度啦. 唔通呢度就係所謂既「公証行公証」??

跟住我地真係出發去政府部門辦手續, 但所謂既政府部門都幾簡陋, 同埋註冊結婚既部門原來係屬於business license?! (不過我睇通告, 註冊結婚由07年會由第二個部門負責做). 去到我地對佐幾次資料, 等佐好耐, 又再對下資料, 又等佐好耐, 最後政府部門D人叫我地一行十人一字形排開, 各人舉起右手, 然後部門D人問我地填寫既資料係咪全部屬實, 我地答"YES", 咁就完成晒成個手續啦喎(真係簡單而不隆重

), 正式張結婚証書到星期五就會送去我地酒店, 我名義上已經係劉太囉~~

呆等中...

註冊結婚既部門

之後WB既人就車番晒我地返酒店.