2006年12月27日(三)
行完禮返到酒店我唔落妝唔拆頭, 諗住就咁去夜市. 我地搭黃色線去GPO, 係GPO轉紫色線去查莫洛夜市. 去查莫洛夜市既車係一架旅遊巴(但架巴士都係Lam Lam Tour既車), 唔係平時搭開既紅色噹噹車, 大約半小時車程左右就去到夜市. 果度話大唔大, 話細唔細, 我地七點半左右去到, 九點半左右要出番黎等車, 因為阿司機叔叔話尾班車係九點八. 仲諗住兩個鐘一定行得晒, 但因為今次我地係全體行動, 唔係分開行, 所以行黎行去都係集中一個area. 我地買佐D串燒食, 有雞串同埋魷魚. 食完之後我地就去買辣椒朱古力, 店主係講廣東話既, 一盒16粒US$8, 買五盒送一盒. 呢個時候已經差唔多九點三, 四, 跟住我記得有網友推介話夜市有D好靚既雞蛋花頭夾, 於是我拉流沙包好快陪我巡一轉, 好快手咁買佐兩個, 跟住都無時間睇其他野, 買完就返車站搭車勒, 嗚嗚... 唔制呀!!~~
第三日就係咁勒.
3 則留言:
不如你 post下個雞蛋花頭夾個樣來看看, 好嗎??? d辣椒朱古力好唔好味 ga?
三姑: 係後記篇我會post相出黎架啦~ d朱古力都幾好食架, 起碼我呢d唔鍾意食朱古力既人都會主動拎黎食.
好呀!!!我等你
發佈留言