經過一番努力, 終於都update晒個blog, 終於可以今日寫番今日發生既事勒~~
人越大, 有D日子越唔想過. 以前細細個都會為呢一日既來臨好興奮; 但而家, 無感覺, 反而覺得點解咁快既? 下? 唔覺唔覺已經到啦...? 乜時間過得咁快架...
以前一字頭去二字頭果陣, 覺得自己好老啦, 要告別一字頭, 唔想呀. 然後不經不覺, 好快三字頭都黎緊, 我諗到佐我進入三字頭果年, 我會匿埋, 唔駛人同我慶祝, 默默地為自己要告別二字頭而默哀...
舊年今日我同流沙包係北海道過, 流沙包仲係呢日同我求婚~~ 今年... 返工囉, 無無聊聊囉, 無咩感覺, 無咩喜悅, 無咩衝勁, 淨係係度倒數緊仲有幾多年就要到三字頭, 唉... 係度要多謝流沙包, 其實我都諗唔到要咩禮物. 前晚食飯阿伯提議我買部NSD, 玩之餘又可以練下日文, 於是返到屋企同流沙包提過下, 點知尋晚流沙包就已經買佐部機返黎, 快到無人有. 多謝晒呀~ 各位有無好玩games介紹下呀? 我想要SAN-X果隻SAN-X LAND既game呀, 係邊度可以搵到呀~?
14 則留言:
講舊年...舊年呢個時候我都好 sweet ga.... 你係度倒數既時候, 我又何嘗唔係???你都叫做有流沙包同你一齊數...我..... 你咁busy仲有時間打機既?我真係老了, 好耐冇打過機.... 我想問下你以前學日文係where學ga??因為我feel自己冇咩一技之長, 學下日文都應該叫做有d技能呀ma, 同埋要學幾耐ga???thx
三字頭~~~ 我都就黎了...
cooking mama, 正~~
三姑: 唔好成日諗以前d野啦, 要展望將來麻, 你仲咁後生~ 其實我都好少打機, 不過NDS都有D GAMES幾吸引, 咪搭車果陣拎出黎玩下囉~~ 我以前係full-time係城大讀佐三年high dip-Applied Japanese Studies呀. 如果係出面學, 聽人講去日本領事館學會幾好, 不過都聽講次次都會好多人報, 好似未必個個收. 我果陣full-time都要讀佐兩年幾先可以去考2級咋, 如果為興趣學, 可能要三, 四年先考到2級. 不過我考完都唔見得日文好得去邊...
豬豬俠: 男人年紀大就會越成熟穩重, 女人年紀越大就會... 唉... giegie: cooking mama我都有玩緊呀. 同埋而家玩緊養狗, test brain age個game等等...
哈哈 你講一講, 我又要重新考慮下
我仲有好多game,但你玩正版定係download game....唔....我當然玩正版,我仲有隻animal crossing,你想玩可以借比你喎~~同埋你屋企有無wifi??如果有可以wifi玩孖寶賽車喎~~
giegie: 正版同DOWNLOAD GAME有咩分別架? download game係咪指老翻? 一部機可唔可以又玩正版又玩download game架? 我搵日上去再打劫先~~ (上次借果隻我的暑假我玩完啦, 有機會還返比你~). 我屋企無wifi呀, 仍然都係得部封塵PS2...
三姑: 最緊要自己有興趣, 否則好快就會半途而廢. 我都學過一兩年韓文, 但無興趣好快就無再學.
download game 咪即係翻版~~正版係用帶玩~~新年得閒搵下我啦~~我放到初九先返工~~
giegie: 我都係放到初九返工喎~~ 得閒打麻雀呀, 哈哈~~~~
日文興趣都有架,(因為成日有人話我有d似架妹, 所以想再似d) 不過真係怕學左冇咩用....唔知日本領事館學貴唔貴既呢?
三姑: 咁我都唔係好清楚, 不過我搵到D網址, 你可以參考下: http://www.japansociety-hk.org/eng/what.htm http://hk.knowledge.yahoo.com/question/?qid=7006071802386
唔該哂你, 我而家首要都係轉左工先, 先可以睇下d時間點安排...
發佈留言