尋晚打完邊爐返黎都覺得有唔妥, 半夜訓訓下個胃已經好唔舒服, 半夜起身係咁疴, 想嘔又嘔唔出, 到天光果陣終於嘔得出, 但係都仲好辛苦. 流沙包今日要出去教波, 得番我一個人係屋企, 本來11點幾起身諗住溫下書, 點知都係頂唔順, 又嘔, 已經嘔水, 嘔到無野好嘔, 於是再訓過, 成日就係咁訓, 訓到七點流沙包返黎, 我成日都無食過野, 佢沖佐杯麥片比我飲, 本來以為好D啦, 點知剛剛飲完又想嘔, 將頭先飲既麥片又嘔番晒出黎. 本來我話唔睇醫生, 因為以我豐富既腸胃炎經驗, 腸胃炎就算睇醫生都無用, 佢都係開D止痛, 必要時服既止疴藥比你. 無論點都係要靠你自己疴番晒D菌同烏糟野出黎先會好得番.
不過流沙包見我嘔到面都青埋, 唔理咁多的佐我去睇醫生, 我一落到街又嘔, 去到醫生度, 佢叫我食佐D藥係診所坐十五分鐘, 如果再想嘔就幫我打止嘔針, 食完藥我都係想嘔, 於是唯有啪支針. 返到屋企坐佐陣, 又嘔, 連頭先食果D藥都嘔番晒出黎, 嘥氣! 我全日都無食過野...
我同流沙包講我都係過唔到今晚架啦~ 
2 則留言:
又係腸胃炎, 你已係我識既 blog友入面既第四個了, 那你現在好返未???你要小心身子呀!!!
三姑: 我都係成日腸胃炎既人黎, 鬼叫我為食成日亂食野...
發佈留言