呢排唔知做咩, 發覺自己好似有D問題咁, 例如打打下字, 無啦啦會突然唔記得佐個字點打, 平時我打字一向唔駛諗架麻, 打得超快. 但呢排成日會打打下字, 唔記得某某字到底點打, 不斷係度試係度撞, 好似尋日想打個「碰」字, 突然唔知點打, 痴佐線.
又例如, 寫寫下野, 又突然唔記得佐某個字點寫, 好似我想講花絮, 突然唔記得佐個「絮」字到底點寫, 要幾日後沖沖下涼先突然醒起; 又好似今日想講複雜, 突然間唔記得個「複」字點寫, 呢D都係好普通好常用既字黎架喎, 點會無啦啦執筆忘字架...? 死啦我係咪有D咩病呀? 點解會咁既...? 其實我一直都成日有好多野唔記得, 好似續借書咁, 未到期前就成日會記住下星期三係deadline要上網續借, 但係一到佐星期三就完全無佐件事, 有時仲要係個日曆上寫埋「續借」, 但到果日都可以完全醒唔起要上網續借, 搞到年中都唔知比人罰佐幾多錢. 
最常見就係沖涼果陣唔記得自己頭先塗佐沐浴露未, 因為我沖涼唔係淨係沖涼, 會洗埋內衣, 刷埋牙之類, 而我沖涼又無一定次序, 有時會洗衫先, 有時會塗沖涼夜先, 所以有時刷完牙, 會唔記得自己頭先有無搽過沐浴露, 於是又搽過...
我驚我老佐會老人痴呆呀, 點算好呀...?
2 則留言:
D人話生個仔出黎會冇事架~
廿三: 你真係風趣既啫~~
發佈留言