最近為佐結婚既事唔多開心, 一句到尾都係因為錢. 點解人地身家咁豐厚, 但係少少數目都好似要計到足咁? 即使假設只係開玩笑講下, 我聽到都覺得唔開心. 點解做大既就好似永遠要係蝕底果個? 細個係屋企就永遠要讓細妹, 有咩唔啱都係我錯, 好啦唔緊要, 果個係我親細妹, 我年紀係大過佢, 我係佢家姐. 但係嫁佐之後, 我老公又係大佬, 我就變佐大嫂, 大嫂咁又點呢? 但我年紀係全屋最細果個, 搵錢係最少果個喎... 點解做大既就要咁多義務, 但係就無咩權利無payoff? 如果比我再揀我可能唔想咁快結婚, 我而家發覺結佐婚其實都無咩著數. 我同我老公一向都係自己顧自己開支, 層樓係佢未識我時買落既, 層樓係佢個名, 供樓係佢既錢, 屋企水電煤佢交, 出街食飯多數佢比錢, 有時我同佢行街買野佢會出錢送比我. 我基本上係自己顧番自己開支, 仍然會比家用阿媽, 最多係負擔下去百佳買野既開支, 無家用攞.
但係過時過節就要比錢對方屋企, 其實係我比錢阿媽話係我老公比佢, 佢比錢佢阿媽話係我比佢過節. 結婚前我都唔會過時過節額外比錢屋企. 結佐婚又要派利是, 開始有自己屋企, 開支又大佐. 其實我又唔打算生, 都唔知結婚黎為乜. 最近淨係覺得, 結婚只係令我自己份人工要分多佐出去比其他人, 錢駛多佐, 責任負擔大佐, 身份多佐(變佐大嫂, 人地新抱...), 淨係得付出, 但無回報無咩野得到過, 淨係覺得只係可以更名正言順更開宗名義地比人屈比人攞著數, 開始覺得結婚係捉蟲... 結婚黎都唔知為咩...
9 則留言:
唔好咁諗啦~~ 結婚係因為想同你鐘意既人一齊生活有一個屬於你兩個既家嘛!~ 努力吧
肥冰: 同居都可以, 哈哈~~~
做人有時係要無條件咁付出，唔能夠下下計較架，你地父母都養大你地，咁回報下都應該架！
泰山不倒: 我唔係講父母呀, 父母我點會計較呢?
結婚係一個女人既成就嘛, 你已經達到左(好叻), 要開始人生既新一頁, 咁當然要去到下一頁係一定唔係咁易ga la, 你都係一時之氣先會咁講, 可能過一排, 你又會係度講你家庭既開心野俾我地聽呢!!!
結婚, 就是名正言順的一起生活, 父母得到安慰, 兩人一起努力建一個"家"的感覺吧.
從錢銀出發去諗會唔開心,不如換個角度諗下呀... 我覺得結婚係為左可以一齊生活,建立一個屬於自己既小天地...或者仲可以加多個小成員呢 同居可能有d人覺得都可以達到上面既效果,不過我覺得d點都唔夠結婚個種承諾來得深刻 如果只係從金錢角度出發,我諗好多人都唔會結婚架啦
結婚只係比個名份對方. 第時有咩冬瓜豆腐, 未死既伴侶可以有d保障(例如保險呀, 層樓呀). 除此之外, 我都諗唔到有咩意義lu.
三姑, 咪咪貓&豆豆龍, 吳家吾居, 橄欖人: 可能擺埋酒會好少少掛, 而家樣樣都係錢, 我只係覺得點解唔體諒下我地... 我地唔係佢地想像中咁有米...
發佈留言