地址: 元朗鳳琴街19號鴻運中心地下A舖
電話: 2470-3308
星期日佢地比完賽之後去佐打邊爐, 一行十五人非常熱鬧. 唔知幾多點後有特價, 每位埋單$71. 食物種類都算OK既, 飲品(包括啤酒)任飲. 佢地狂攞肥牛, 大大話話攞佐廿幾三十碟. 我地十五人兩個爐, 好多野都要搶, 如果唔係轉過頭就比人夾佐, 好搞笑~
不過呢度有個阿姐真係唔多掂, 拎個有問題既爐黎, 首先佢係要用打火機點著個爐, 然後開佐火之後有部份咀咀無火唔著, 個阿姐竟然拎疊紙出黎撥, 嘩, 你估而家BBQ呀? 阿Rock睇唔過眼, 佢同阿姐講咁樣撥唔係辦法, 叫阿姐熄佐個爐先. 阿姐熄佐火之後問跟住應該點, 阿Rock就話:「去換個第二個爐黎囉~」, 哈哈~~ 跟住阿姐即場黑面兼咀藐藐, 真係過份~~
是次每人消費約$70
4 則留言:
每人消費約$70都 好平喎！个阿姐以為果个係炭爐黎呢！
泰山不倒: 元朗食野都唔會貴得去邊, OK架~ 我試過去D所謂任食既火鍋, 標價唔駛$100, 點知埋單果陣, 一小碟豉油都收十幾廿蚊, 花生果D又幾廿蚊, 離晒譜...!! 埋單每人最後OVER $100
我去過飲早茶, 佢d燒賣非常難食架.
橄欖人: 早茶我又未試過, 我次次去親都係夜晚打邊爐/食晚飯. 你覺得元朗邊間飲茶好食呀?
發佈留言