本來今日約佐10點去做facial, 不過最後都cancel佐, 訓多陣好D. 好彩今日起身已經無咩事, 行得走得食得. 今日仲要返學, 好彩都仲有能力返去, 不過上佐半堂我已經無晒能量聽書, 坐係度等放學. 流沙包今日都出佐黎九龍塘, 因為之前我地拎羅浮宮D相底去scan, 先發覺佢地竟然比錯相底我地, 所以流沙包今日就出去羅浮宮拎番D相底, 跟住就接我放學. 我地係又一城行佐陣, 本來想買條褲見工用, 點知試上身一係就太細, 一係就太濶, 最後都買唔成. 然後去佐玩具反斗城, 我地買佐新果套電子版大富翁, 即係唔駛玩notes玩碌卡果隻, 我另外仲買佐好多Keroppi菓子玩具添喎, 好開心, yeah!!
買佐套新大富翁梗係要call人上黎試玩啦, 最後振宇同牛丸上佐黎玩, 我都唔明點解我玩親大富翁都係第一個破產果個, 嗚!
6 則留言:
咦???你都開始見工LA??咁你辭左職未GA??
請問你 d "Keroppi菓子玩具" 係玩具反斗城邊個位置,同埋係 d 咩菓子玩具? 我都想買呀, 唔該晒!
三姑: 我未辭職呀, 諗住買定裝備咋麻. 我剛剛今日先SEND CV去AGENT. 小綠: D菓子玩具係近收銀架, 即係果D一盒盒, 裏面得幾粒粉糖, 但有得意玩具/公仔, 款式有1~10氹你儲一套果D哩. 我返去同KEROPPI影完相SEND比你睇下呀~~
ok! 我等你 d 相, thank you so much!!
真係多謝你! 你好好人呀! 預祝你新工作順利!
小綠: 我應承佐話影相比你睇架麻~
發佈留言