私家菜 -- 石頭烏冬, 正!!

地址: 元朗教育路68號兆豐樓地下7號舖
電話: 2476-2686

星期五晚試完衫去食飯, 行行下見到呢間餐廳, 食韓式石頭飯, 於是即管入去試下. 入到去已經聞到香噴噴, 我地叫佐個豬肉石頭鍋飯, 一個韓式雞肉鍋烏冬, 各包一杯飲品. 個豬肉石頭鍋飯味道比較淡, 個雞肉鍋烏冬就濃味D, 好好食. 冬天黎食真係唔錯, 佢D飯香噴噴, 料又多, 熱辣辣, 正~~ 我會推介大家試下鍋烏冬(無湯果隻, 唔係泡菜果隻).

是次每人消費約$36