裕滿人家 -- D野係好食好抵, 但唔好再黎得唔得...??

地址: 屯門石排路一號卓爾居地下G1號舖
電話: 2461-9138

星期日去親戚度睇完slideshow就要番屯門, 因為今日民民生日, 所以夜晚一齊食飯. (但點解生日正日唔同女朋友出去玩下慶祝下既?) 又係裕滿人家... 唔好啦...

我地又係叫佐求其一餐, 有六個餸, 有蠔仔砵, 韮菜炒蜆肉, 咕嚕肉, 鎮江排骨, 魚香茄子煲, (仲有個餸唔記得lu) 另外仲叫多個香煎銀鱈魚, 瑤柱肉環甫, 同一個響螺湯.

其實D餸菜係幾好食, 不過即使幾好食都好, 我都唔會亦唔鍾意去黎去去都係同一間食肆, 試下新野好唔好呀...?

 是次每人消費約$100 (點解又係流沙包埋單既?)