2006年12月9日 -- 病佐

黑仔! 無啦啦尋晚喉嚨又痕又痛又鼻塞都知今次嗱野, 今朝起身喉嚨超痛, 即刻去睇醫生. 好鬼老土, 我大大話話都三, 四年無咩咩過啦(唔講得架會烏鴉口), 竟然臨考試同結婚前先走黎感冒, 無野呀? 仲要呢個星期日日都廿幾度鬼咁暖, 咁都可以病得, 火都黎!!

流沙包陪我睇完醫生又要出去做野, 我就係屋企溫書, 下星期日要考第一科啦, 呢個時候休息係極度奢侈既行為, 點都迫自己要溫書. 夜晚流沙包返黎陪我食日本野.