地址: 尖沙咀亞士厘道
星期六晚聽完音樂會打算搵野食, 都唔知食咩好, 平時lunch食飯成日都係附近食飯, 唔想放假出到黎又係食番果D野, 我話去亞士厘道, 但黎到又唔知食咩好. 見到呢間野新開, 於是是是但但就入佐去, 我地叫佐個蜆肉意粉, XO醬蝦球菠菜面, 馬碲沙清心丸, 同芒果奶皇丸.
呢度D野真係幾好食, 食完之後心情都好番少少. 尤其是個芒果奶皇丸好好食, 雖然好貴, $21得三小粒, 但食過之後好似上癮咁, 想心思思返黎再食過.
不過呢度既服務有待改善囉, 淨係叫斟水都要叫四次先至真係有人埋黎斟, 真係完全唔掂. 同埋D座位鬼咁窄, 行都行唔到咁濟. 雖然呢度D野係好食, 但如果服務質素同環境唔改善下既話, 就算幾好食D人都未必會返黎幫襯.
是次每人消費約$90
沒有留言:
發佈留言