千之壽 -- 唔掂呀~~

我講既係御庭居果度間分店, 唔係舊B仔附近果間.

呢間野係樓下開佐咁耐終於都有機會去試下, 呢度既食物款式好少, 我地叫佐個三文魚, 鰻魚同帶子壽司, 一個燒雞中翼拉面, 一個辣味螺肉. 辣味螺肉好大兜, 但可惜得個大字, 食落去無咩味, 同埋感覺佢係雪佐好耐先賣得出咁囉... 壽司就不過不失啦, 又係大大舊果隻. 個拉面麻麻地, 個雞翼味道怪怪地, 唔知果D係咩醬汁, 又唔鹹又唔甜咁, 有D難食.

結論就係呢間野唔多掂. 一番都好過佢.

是次每人消費約$50