無聊記事~

上文講到15號我約佐人食飯, 但公司有個同事無啦啦又約我食飯既...

到佐18號星期一放工, 我明明打算走架啦, 但果個同事突然叫住我, 問我今晚得唔得閒, 話上星期食唔到, 不如今晚去食飯囉~ 我當然歡迎啦, 否則我返屋企都係煮公仔面食.

呢餐飯我地叫佐好多野呀, 非常之飽.

除佐個西蘭花之外, 全部菜都係無煮過, 生勾勾的, 食條甘筍果陣, 我覺得自己係一隻兔仔囉... (我細個養過兔仔, 呢陣生甘筍味, 令我回想番餵兔仔時既氣味)

呢舊好似係肉類咁, 但裏面係芝士火腿夾蘿蔔片:

由於同事係食素的(但海鮮類佢會食), 所以呢碟牛全部係我負責搞掂(因為同事驚我齋得濟, 所以專盒叫碟肉比我):

呢個蟹腳天婦羅, 正!:

呢個甜品好好味架~:

自從流沙包1月4日返佐香港後, 我之後果個幾禮拜完全無mood去超市買野, 於是每一晚都係煮公仔面食, 某個星期五因為要去區役所, 所以可以係公司早走, 係區役所辦完手續後, 見心情唔錯, 就去佐松屋睇吓有咩買黎做dinner當慰勞吓自己, 最後買佐呢盒雞(返到屋企仍然都係煮公仔面, 不過叫做有雞翼做餸).

某日tea time既茶點, 我好鍾意食呢個甜品架, 就黎無機會食啦, 嗚...:

裏面D cream多到吖:

又某日無聊行吓行吓, 竟然比我買到Keroppi既產品呀, 真係超開心:

個Keroppi我喺100円店買架, 當時佢被人攝佐埋一邊, 完全唔當眼既位置, 仲要得番一千零一個咋, 好彩我果日真係好無聊, 係100円店兜佐兩個圈, 我先發現到佢咋~ 

另外仲買佐呢盒鬆弛熊:

某日去便利店買鮮奶, 個店員無啦啦比埋呢支咁長既飲管我, 你唔係諗住我會成盒鮮奶就咁飲麻...?:

然後某日悶悶地去佐行Marui(即係香港人會讀做零一零一或者OIOI果間百貨公司呀), 見sales就無聊地買佐D無聊野.

VW既手襪, 特價2,940円:

VW既縮骨傘, 特價5,250円:

我唔係特別鍾意VW, 只係咁啱見到特價咪買囉.

另外唔好問我到底日本比香港係咪平好多呀, 我一向好怕人問我到底日本有咩野比香港抵買, 同埋好怕人問我某某牌子比香港平幾多. 第一, 我係日本做野, 唔代表我好熟悉日本既"街市行情"架; 第二, 我係香港都無買某某牌子, 我點知日本會平香港幾多啫; 第三, 我唔係潮人黎架, 我真係唔知日本有咩比香港抵買/必買囉. 第四, 鍾意既咪買囉, 用時間/腳骨力黎格價或者做research都係transaction cost黎架~