今日晨早五點幾就起佐身, 點解? 因為要睇日出呀~
我專登黎大洗住一晚, 就係要喺大洗海岸睇日出呀, 因為呢度係向正東面, 所以睇日出應該一流.
但係我一直都好擔心今日唔知會係咩天氣, 諗番前幾次同流沙包既旅行, 天氣都唔好. 去河口湖果次我專登book佐間超貴既酒店係向住河口湖同富士山架麻, 點知果兩日成日落住雨, 完全睇唔到富士山, 真係激到啤啤聲. 上次大除夕去白川鄉, 果兩日又係勁落雪. 到今次黎大洗, 一心諗住睇日出, 但係尋日一直落住雪, 我心諗:“有無咁邪呀? 餐餐都咁掃興既??!!!!”
到佐今日, 嘩, 竟然好天呀, yeah!!! 有機會睇日出啦~
因為我懶又怕凍, 所以駛佐流沙包出去影相, 我自己就係房裏面睇日出, 呢兩張係我用iphone係房影既:
影到有個懶鬼唔想出去吹風, 係房度自己一個睇日出:
以下係流沙包係出面影既相, 大家慢慢欣賞啦~~
我就係想睇呢個情景呀, 鳥居+日出, 我係為佐呢張相而黎大洗架.
今日係大年初一, 可以睇到咁靚既日出, 希望今年一切都順順利利, 我同流沙包快D升職加薪, 健健康康, 日日都開開心心~~~
影完相, 我地就落去食早餐勒, 每人7千幾円既房租唔包晚餐但係包早餐:
沒有留言:
發佈留言