wine tasting course??

我地有個客係開紅酒學校, 有一日個同事問我有無興趣去上D咩品酒班, 話可以上堂時寓練習日文.

 

說實在我真係無咩興趣呀, 於是話我果排皮膚敏感, 最好就唔好飲酒啦. (我一早已經講過話對酒精敏感, 唔飲得酒)<=詳情請參考呢度

 

但係個同事話呢個係wine tasting咋, 只會淺嚐, 唔會真係飲好多喎...

 

唉, 都唔知點推, 唯有話好啦...

 

說實在, 我已經一早講佐我平時基本上都唔飲酒, 一來我唔鍾意酒既味道, 二來我對酒精敏感... 試問我點會有興趣去上咩wine tasting course呀, 所有酒對我黎講只得一種味道 -- 難飲.

 

叫一個唔飲酒既人去上wine tasting course, 我覺得真係黑色幽默囉...

 

雖然我知同事係一番好意, 想我係日本試多D野, 順便當練吓日文... 但係, 我內心真係200%唔想去...

 

 

個course係七點至九點, 我地五點半去到個客度check數, 做完公事後, 同事就走先, 我就留係度上堂.

 

成班有7個人, 上堂前每人自我介紹吓, 然後miss開始講書, 氣氛都幾輕鬆既. 到最後半小時就係試酒時間, miss教我地從顏色, 香味, 味道等等去品評.

 

本來上堂應該上到九點, 係香港黎講我估一落堂就各自各散架啦. 但我地落佐堂後有D同學好踴躍咁問問題, 其他同學又留係度聽, 大家又傾吓呢樣傾吓果樣, 話題同酒都已經無咩關係, 例如講埋自己有幾多個仔女等等, 有D人仲派埋卡片添, 搞到成九點八先走得. (如果係香港我應該自己一個人走先囉...)

 

返到屋企成11點先至食飯, 嗚...

 

下次記住打底先去上堂...