2010年2月11日(四) -- part 1: 上野動物園, 日本科學未來館

呢日日本放假, 於是我叫流沙包尋日飛過黎, 咁我地今日就可以去玩勒.

 

我地朝早去佐上野動物園.

雖然我十幾年前黎過, 但真係完全無晒印象囉, 淨係記得呢個熊貓擺設, 十幾年前同十幾年後都仲係度, 不過而家上野動物園就再無熊貓睇囉...

 

無佐大熊貓, 有小熊貓:

 

 

 

可能之前去完多摩動物園既關係, 上野動物園感覺上就無咩特別野好睇啦, 而且地方唔算大, 我地慢慢吓, 約兩個半鐘就行晒成個動物園, 都係多摩動物園好玩好多.

 

另外我覺得園內既指示牌唔足夠同埋唔清晰, 有時去到D十字路口位, 都唔知應該點行先好(有地圖都無用). 而且我地兜佐好耐先知點樣過去西園.

因為我懶得行, 所以搭電車過西園:

又係D超搞笑中文:

行完動物園, 我地再過台場既日本科學未來館, 途中食個lunch先.

 

我既魚生飯 1,050円:

流沙包既壽司set 945円:

 

未來館得兩層可以行, 分別係5樓同7樓, 對我黎講呢個館係超超超悶囉... 無野好玩, 大部份都係資料介紹; 加上我又係文科人(但想當年中三未分科果陣, 我phy chem bio成績唔差架, 有九十幾分架, 只不過文科成績更好, 所以最後揀佐文科(我學校無商科的), 但後尾好後悔揀佐文科, 因為到大學揀科時才知道原來文科人比理科人可以揀既學科係少好多好多的. oh, 太多題外話添...)

有張好舒服既櫈喎:

可以成個人訓係度架, 到底訓係度做乜?:

咪就係睇呢個地球囉:

由於我對呢個館無興趣, 所以好快就行完lu.