呢排心情唔好, 咩都唔想做, 咩都唔想理...
公司有好多野, 都係我唔想做既野... (我只係想做會計, 唔想做同audit有關既野呀. 我只係黎日本前係香港"臨危受命"學做過一個月既audit咋).
以前係香港, 同日文有關既野就咩都塞晒比我; 而家係日本, 同英文有關既野就咩都塞晒比我... 咩英文文件都叫我寫... 喂, 果D唔係普通文件喎, 係同audit有關既文件黎架喎, 並唔係話一個識英文既人就曉寫得出架喎. 你地做佐audit咁多年, 連呢類英文文件係咩黎你地都唔知? 竟然問番我轉頭? 聽講我唔係做audit架喎!! 我係香港一直都只係做會計咋架喎!!!
加上日文黎黎去去都無進步呢個老問題, 真係令我好困擾! 雖然大家都安慰我, 我只係黎佐五個月(但之前係香港學果N年呢?), 無可能咁快就曉飛. 我自己都安慰自己, 我夠係香港學佐N年英文啦, 你唔係認為自己去英國生活半年的話, D英文會講到曉飛呀??
但係簡單點說, 其實就是我自己無鬼用, 好多人都話我有機會黎日本做野, 係好難得既機會, 但我竟然唔好好珍惜, 遇上不如意既事情, 心裏就總是想逃避, 好想好想快D返香港, 我真係好討厭咁樣既自己呀!!. 我覺得自己開始有情緒問題, 我而家每日都唔想同人講野, 一收工就想即刻返屋企匿埋; 每朝早鬧鐘未響就自己紮醒佐; 成日無啦啦自己係度喊...
今日終於頂唔住, 衰女地ずる休み一天. 之前我係blog都提過, 我一唔開心就會狂訓覺, 我今天總共訓了16個鐘. 尋晚訓到今日下午兩點先起身, 起身後看吓電視, 食少少野, 到下午四點幾又訓過, 訓到晚上八點先起身活動...
大家既留言我是keep住有看的, 但請原諒我暫時不能回覆大家的留言了.
(旅行既blog則會keep住照出的, 因為關於旅行既blog全部都係我之前已經寫好晒, 然後預較佐日期, 每日出一篇)
沒有留言:
發佈留言