2009年12月30日(三) -- 仍然係銀山溫泉

第二朝我地一早起身落去浸溫泉, 今次試既係"地下風呂", 所謂地下風呂, 其實只係講佢個位置係喺地下果層, 由於藤屋之前曾經裝修過, 而呢個地下風呂係保留番裝修前原本既風呂位置, 於是設計上佢就變佐係地下果層勒.

浸到八點我地返房食早餐, 個早餐又係鬼咁多野, 味道我就覺得麻麻地啦, 可能我唔係太鍾意呢類日式早餐.

 

食完早餐就有人帶我地去3樓既半露天風呂啦(我地尋晚預約佐架啦)

 

呢個半露天風呂其實都唔算露天, 只不過係開佐一條條罅可以望到外面而已. 因為我地唔想D蒸氣整到部相機(流沙包佢話佢部新相機買佐萬八蚊喎...), 所以我地無拎埋相機去風呂影相.

 

浸完溫泉後我地再係旅館影吓相:

 

然後check-out前再爭取時間睇吓銀山溫泉既日景.

藤屋呢度係11點check out, 因為我地要返大石田站趕搭電車(一個鐘頭先得一班車返山形), 所以10:45 check out, 旅館有車車我地出返車站, 真係好好呀~~~

好勒, 住一晚藤屋旅館到底幾錢? 答案係28,650円一位. (呢個係平日既價錢, 週末/假期既價錢好似要超過30,000円/人)

旅館既車:

 

呢位就係車我地既伯伯啦, 好nice架~:

 

其實由大石田返山形唔一定要搭新幹線, 有普通電車搭, 可惜我地呢個鐘數果班車係新幹線, 於是我唯有搭貴車啦... (流沙包有JR East Pass, 我無啊... 嗚...)