1月15日, 見幾個月無約過同事去食飯, 呢期又悶悶地, 於是約佐15號去食飯啦.
點知咁啱在日BLOG友們又係1月15號有飯局, 嗚, join唔到添... 希望新年飯可以出席到啦~
咁啱我1月15日要出job, 仲要去好遠既國立, JR落車後仲要搭的士先去到個客度. 今日仲要搞埋三十幾人既年末調整, 搞到鬼咁晏先可以走, 返到公司都已經六點半, 點知返到公司, 有同事無啦啦又約我今晚食飯, oh, 點解呀? 點解平時悶悶地無野做無約人果陣又唔見有人約我既...?
今晚同佐兩個同事去食Hawaii菜, 其實嚴格黎講其中一個係舊同事先啱. 呢個舊同事(Mr Y)之前係香港office做佐兩年, 所以我同佢係香港都共事過, 後尾佢要調番日本, 但返佐日本無耐佢就resign唔做了. 而另一個同事(Mr N)就係而家負責教我做野, 係超級好人, 本身Mr Y同Mr N私底下係好朋友, 所以今次我地就三條友去食飯勒.
由於Mr Y佢係美國同香港生活過, 唔算係太典型既日本人, 而Mr N又係超級nice, 所以今晚餐飯講佐好多野, 講佐好多係公司絕對唔講得既話題, 哈哈~~~ 好開心呀!!!
話就話係Hawaii菜, 但好似無咩特別喎... 舊年公司旅行正正去佐Hawaii, Mr N話佢係夏威夷果陣既飲品都唔會搞到咁款, 同埋佢地竟然對把遮仔好有興趣(呢D遮我係香港酒樓既啫喱上面都見唔少啦).
由於其他兩位係男士, 所以一上菜, 我就做主動分菜果個啦, 其間Mr Y佢話"係香港呢D係男士做架呵?", Mr N聽到後覺得好驚奇, 當我分完Mr Y同Mr N佢地果碟, Mr N竟然拎佐個分菜鉗主動夾番比我, 佢話要學吓香港既男士喎, 哈哈, 超搞笑.
講到尾, 香港既女性真係太幸福啦, 如果被喚作港女既香港女仔真係要黎日本工作, 我估真係未必會適應到日本既重男輕女(兜個圈話自己唔係港女
?), 你有無辦法忍受到係office做倒垃圾果個吖?
2010年1月30日星期六
2009年1月15日(五) -- 同事飯局
訂閱：
發佈留言 (Atom)
7 則留言:
眾生平等，其實無話邊方就邊方o既。。。我覺得自己o黎會好D囉。
[版主回覆02/02/2010 23:22:00]但日本呢度仍然係好重男輕女啊...
係呀, 好有同感呀, 去完第二度, 真係覺得生活在香港ge女仔最幸福, 咩都可依賴別人呀.
[版主回覆02/02/2010 23:22:00]無錯無錯, 香港女仔真係身在福中不知福...
為你祝福!
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
我的經驗係響office內每一個GROUP輪流倒的，唔會齋係女性倒垃圾的！當然，唔同公司有唔同制度。
[版主回覆02/02/2010 23:22:00]嗚, 我公司淨係女同事先要做架咋...
係啊！分菜呢d粗重野，我地呢d冇鬼用o既港男，梗係要做架啦！
[版主回覆02/02/2010 23:22:00] 其實我都唔認為一定要邊個去做, 只不過係日本, 女性通常就要"預"佐係自己既份內事.
無錯呀, 俾我就唔可以倒垃圾啦 .... 不過0係美國, 無請阿嬸既話都係輪流做.... 有時要輪流洗office 個洗手間添 (好在我以前份工唔駛) 我0係依邊都係做分菜果個.... 因為其他男仔fd 渣筷子唔係咁叻, 哈哈.
[版主回覆02/02/2010 23:22:00]好彩係OFFICE唔駛洗TOILET咋, 否則我真係接受唔到呀...
我住係國立架喎~ 來到國立都唔同我打個招呼?太可惡了!
[版主回覆02/02/2010 23:23:00]我搭的士有經過一橋架, 你無見到我離遠同你揮手咩??
發佈留言