2009年12月24日(四) -- 表參道, 汐留

星期四, 我地去佐汐留睇燈飾.

 

去汐留之前, 我地先去佐表參道行佐陣, 不過我個人就唔多鍾意表參道(唔知點解, 純粹個人感覺), 所以行佐一陣就去汐留勒.

表參道既light up:

 

 

 

流沙包黎日本之前, 買佐本新假期雜誌, 裏面有介紹東京欣賞聖誕燈飾既好去處, 我地都有跟佢既介紹, 去佐六本木, 後樂園之類睇燈飾(不過就算雜誌無介紹, 我都大約知道東京邊度有燈飾睇啦).

但最奇怪既係, 呢本雜誌竟然無介紹汐留呢個地方, 反而奇奇怪怪咁介紹惠比壽: 一個我覺得D聖誕light up完全無特別既地方.

我唔知係流沙包揭雜誌時睇漏佐定係點樣, 汐留係咁多個light up地方之中, 我認為係最靚最勁既一個, 就算我係香港都睇唔到呢個咁華麗既light up, 我唔知點解新假期竟然隻字不提囉... 佢地唔係唔知汐留呢個咁靚既light up吓麻...?

 

好勒, 我講佐咁多廢話, 到底汐留既燈飾有幾豪?? 好快揭曉~

去到汐留當然又係醫肚先啦, 今次我地去佐間專食雞料理既餐廳:

 

食完飯就慢慢行, 影吓相.

呢度係鐵路博物館外面, 火車造型既燈飾, 都幾特別吖:

 

仲有呢個不定期出現既星雲, 追住佢黎影相有D難度:

終於黎到戲肉啦, 日テレ對出既地方, 超靚呀: