2009年12月26日(六) -- 多摩動物園, 惠比壽

星期六, 我地去佐多摩動物園.

呢個動物園真係好大呀, 我地大約點零鐘去到, 行到五點鐘閉園我地都行唔晒成個動物園.

D車好得意, 係動物圖案架:

 

呢度分開佐幾個area, 分別有非洲區, 亞洲區, 同埋澳洲區.

 

比較特別少少既動物有樹熊, 獅子, 長頸鹿etc.

D長頸鹿唔知點解淨係喺一個範圍係咁氹氹轉圍圈行:

見到大象去緊晤晤呀~:

真係好難睇得出呢舊野係樹熊:

呢度既獅子係住喺一個大坑裏面, 如果想近距離接觸佢地, 可以比多幾百円搭"lion bus", 架巴士就會係個坑裏面兜個圈.

 

另外呢度既孔雀係無籠困住架, 可以自由自在周圍走, 幾開心喎~~:

 

去完多摩動物園之後, 攰到行唔郁咁濟, 求其係新宿食個dinner:

之後我地去佐惠比壽睇燈飾.

 

講真呢度既燈飾真係無咩特別囉, 仲普通過香港果D, 都唔知點解新假期會介紹呢度...

 

不過我地有的是時間, 同埋我之前都未黎過惠比壽, 就當黎散吓步啦~~

 

天氣好凍呀, 都係快D返屋企算lu~~