2009年12月29日(二) -- 松島之旅 part 1: 松島灣一周遊

星期二, 終於開始我既公司假期, 我plan佐今日去宮城縣既松島, 夜晚就過山形縣既銀山溫泉借宿一宵~

 

我地晨早搭6:06既新幹線出發往仙台, 然後再轉普通電車去松島.

無聊等車果陣最好就係打吓機啦:

 

我之前上網睇果D觀光地圖, 以為係松島站落車會近D景點, 點知去到睇番D正式scale既地圖, 發覺原來D景點係比較近松島海岸站架...

由松島站行去遊船碼頭途中, 經過消防局, 見到班消防員做緊早操:

我地第一站係去搭遊覽船, 因為松島呢度係以"日本三景"而聞名, 當然要出海睇吓D島啦~~

好忟水呀, 9點鐘開船, 我地8:57先去到:

遊船有多條路線選擇架, 而我地揀既係松島湾ひとめぐりコース, 原本要1,400円, 網上有割引券, 只需1,260円.

松島灣一周遊資料

 

呢條路線既船本來應該係後面果艘大型遊覽船"仁王丸"架, 但唔知係咪太早, 乘客太少既關係, 佢只係開架"快艇"(賣飛阿叔會同你講明呢班船唔係仁王丸, 但我地費事再等下一班船啦):

先黎餵個海鷗先:

係船上面都有蝦條賣架, 細包裝100円, 我呢D醒目既梗係已經一早係便利店買定佐大包裝啦, 餵海鷗之餘都要餵埋自己架麻~

 

遊船主要係睇呢D一個個既島仔:

根據我會考同A-LEVEL學過既地理知識, 呢D一個個既島仔係幾百萬年前應該係同一個島黎的, 由於風化同侵蝕既關係, 慢慢就剩番呢D一個個既島仔啦~

經過福浦橋:

遊完船我地去行吓附近既五大堂:

五大堂範圍好細, 又無咩特別, 10分鐘就行得完.