2009年12月29日(二) -- 銀山溫泉

係松島食完飯後, 我地嗱嗱臨趕去車站搭車返仙台.

去到仙台後, 我地轉搭仙山線去羽前千歳站.

再係羽前千歳站轉奧羽本線去大石田站.

轉咁多次車, 目的地係山形縣既銀山溫泉. 好彩旅館有車係大石田站接我地, 否則真係搭車都搭到暈呀. 由大石田去到銀山溫泉大約要25分鐘.

 

旅館既司機叔叔好nice, 我地傾佐兩咀, 佢問我係邊度出身, 佢話銀山溫泉有好多香港人黎.

我地終於黎到銀山溫泉啦, 由於D車唔駛得入去, 所以我地要行幾步路勒.

我地今晚住宿既係旅館藤屋. 去到旅館門口有另一位嬸嬸迎接我地, 佢直接就帶我地上房, 完全唔駛check-in(後尾我見間酒店根本都無front desk架).

入到房, 嬸嬸同我地簡單講吓房間既設備, 跟住嬸嬸比佐張form我填, 比埋room key同埋夾萬key我, 然後就去準備熱茶菓子比我地.

房間其實好簡單, 一眼見晒.

可能唔想破壞房間既氣氛, 所以連電視機都係呢D細細部可以收得埋又可以hand carry既size:

晚餐係房間裏面享用, 呢餐飯份量唔少, 我食唔晒自己果份囉.(D食物相無全部post晒出黎)

左面既係鱈場蟹天婦羅, 好食到震; 右面既係尾花沢牛:

我已經食唔落個飯團啦, 我將其中一個放入雪櫃, 留番聽日上路時食:

食完飯後, 我地係酒店影吓相, 然後出去外面行吓.