2009年12月31日(四) -- 白川郷之旅

除夕日, 我地出發往岐阜縣既白川郷.

 

白川郷之旅其實我只係早一, 兩個月先決定, 本來我係希望2010年既2月13同14號去架, 因為呢兩日係白川郷既light up日子, 但可惜我咁遲先決定, 當然完全book唔到住宿(加上果排係農曆新年假, 一定勁多香港人去啦).

2010年白川郷light up資料

 

於是我就睇吓有無機會係除夕夜去啦, 但仍然都係無辦法book到宿泊地方, 度度都話full晒...

 

期間有深圳同事知道我想去白川郷, 佢話佢以前係日本留學果陣, D日本人係由夏天開始就已經予約定冬天既宿泊架啦喎...

 

吓? 咁我即係唔駛旨意book到地方住囉...?

 

我抱住唔放棄既精神(懶勁咁)繼續搵, 後尾係白川郷觀光協會試吓book宿泊施設, 你只要記入你幾時會去, 對住宿有咩要求之類, 過兩日就會有e-mail覆番你到底book唔book到架啦, 估唔到竟然比我book到除夕夜既民宿, 仲係白川郷既傳統建築 -- 合掌造り添喎, yeah!!

 

個協會服務非常週到, 佢仲寄埋白川郷既觀光資料比我添喎:

 

由東京去白川郷既交通都幾唔方便, 最後我選擇佐由新宿搭高速巴士往高山, 再係高山轉巴士去白川郷.

我地搭七點鐘既巴士由新宿出發往高山, 全程約五個半小時, 往復車費11,700円, 中途會停兩個休息站.

其中一個休息站係諏訪湖, 超大雪, 唉... 

 

大約十二點半, 我地去到高山濃飛巴士centre, 跟住我即刻再買開往白川郷既巴士車票, 因為我知12:50有一班車.

 

12:50呢班巴士係預約制的, 我本身無預約, 因為驚由新宿黎高山既途中會塞車, 一塞車就趕唔到12:50呢班巴士.

 

我地好彩又搭到12:50既巴士往白川郷.

由車影出去既景色, 真係超大雪呀:

 

由高山往白川郷既巴士大約一小時左右, 往復4,300円.

 

終於黎到白川郷啦~~ yeah!!!

 

但有D野真係要還架, 前兩日去山形同松島時天氣非常好; 但今日黎到白川郷, 勁大雪, 完全無停過...