地址: 旺角雅蘭中心2期地庫(山東街入)
電話: 2628-0266
星期五晚去完教協我地去佐雅蘭既避風塘食飯, 等佐一陣先有位. 我地叫佐個艇醬A菜, 辣酒煮翡翠螺, 櫻花蝦肉臊飯同埋避風塘雞翼尖. 徇眾要求(其實只係獨食王提過), 終於都有相睇啦~~~
艇醬A菜--勁好味, D菜用類似韓國料理食石頭飯既BOWL黎裝, 熱辣辣, 又唔怕好快會變凍. D醬真係好好味, 成個菜勁好食!
辣酒煮翡翠螺--味道唔錯, 唔會太辣, 但我嫌佢唔太熱. 
櫻花蝦肉燥飯--我覺得味道怪怪地, 但唔係唔好食, 不過唔知櫻花蝦即係乜, 係咪即係蝦米呢? 我見唔到有蝦肉既...?
避風塘雞翼尖--味道淡佐D...
整體黎講真係好好食, 我一定會再黎, 不過下次黎一定要坐房, 有梳化坐得舒服好多. 佢出面枱D死人櫈, 背脊無得挨但又整條木係後面, 我一坐落去就腰骨痛, 淨係想快D食完餐飯快D離開. 仲有唔該佢搞搞個MENU, D甜品已經改佐無得賣就唔註明, 搞到人滿心歡喜, 點知原來已經無佐餐牌上既甜品, 要睇另一個散MENU, 點知新嗰D甜品普通到暈, 於是埋單即走.
沒有留言:
發佈留言