星期五同流沙包去完酒樓講數就落佐旺角, 我地上佐教協, 因為要買月餅劵. 我係第一次上去, 上面果然包羅萬有, 好似咩都有得賣咁. 睇下D月餅價錢, 果然幾平喎, 我阿媽係X華做, 用員工價買雙黃白蓮蓉都要六折$142.8, 但係教協買竟然仲平過員工價, 只係一百三十幾蚊, 如果我係員工就真係心淡囉... 我好新奇咁行佐陣教協, 又買佐D野食, 好平麻...
離開教協後我地去佐雅蘭食飯, 然後就搭車返屋企. 返到去係元朗公園見到有人係度拍野, 我八卦走埋去睇下, 但無電視台logo應該唔係拍緊電視, 我見到有一男一女係度做緊戲, 但我完全唔知佢地係咩野人, 應該唔係藝人掛? 所以都唔知到底佢地拍緊戲定拍緊乜野~~
4 則留言:
元朗真係特別多食巿，而且大部份都好有水準，唔似得屯門咁，大部份都係垃圾~~~ 唉...
獨食王, 考慮搬入黎元朗啦~ 交通方便又多好野食~~
唔得啊~~~ 我而家同我老婆嘈緊番大埔定去屯門~~~ 但我今次死都唔會就佢架喇~~~
獨食王:
講真屯門我覺得真係唔好住, 我幼稚園到中三都係住屯門, 但自從搬離屯門之後我話過以後都唔會再返屯門住. 所以我撐你呀~
我覺得交通唔方便啦, 最討厭條屯門公路, 西鐵又要轉車唔方便, 巴士又去唔到咁多地方. 我而家住元朗有齊晒車可以一程出到尖沙咀, 黃大仙, 九龍灣, 觀塘, 沙田, 荃灣, 青衣, 旺角佐敦, 銅鑼灣... 都唔知幾方便~
發佈留言