去佐試衫...

星期二請佐半日假去試衫(擺酒果晚既婚紗同晚裝), 咁啱個妹又有補假, 加埋流沙包, 有多兩對眼幫下眼比意見. 我大大話話都試佐十幾廿套, 我第一次試著呢D晚裝同婚紗, 但覺得自己著得唔好睇, 一來我膚色又黑, 著唔到好淺色既衫, 會顯得我仲黑. 二來我A字膊, 著low cut真係無人地著得咁靚. 三來我手臂肥, 虎背熊腰咁, 即使件衫靚自己都著得唔靚. 我真係一定要好努力減肥先得, 因為個sales幫我著girdle果陣, 佢問我係咪有佐喎~ 嗚嗚, 我係有肚腩, 但比人誤會我有佐, 真係好hurt呀, 嗚嗚~~ 然後我換佐晚裝出黎照鏡, sales話估唔到我都有D肉地, 因為佢話見我平時衣衫覺得我好瘦, 但換完D晚裝出黎, 無遮無掩之後, 佢就覺得我原來都幾肉地. 嗚嗚, 我自己都咁覺得, 兩條手臂好似節瓜咁, 好肥呀~~~

最後暫時hold佐兩套婚紗(會二揀一), 一件金色晚裝, 一件紅色, 一件桃紅色, 一件牛仔布晚裝. 因為果度唔比影相, 所以無相可以post係呢度囉. 但我終於知道點解佢地唔比人影相, 因為我見佢地D衫都係抄人地款黎造, 所以可能係呢個原因所以唔比人影相掛...?