公眾地方十大討厭人士 (更改第十項)

交通工具上:

1. 講電話講到大大聲.
2. 坐你隔離位果個由上車講電話講到落車, 但講埋D內容又無無聊聊, 搞到你想訓下都唔得.
3. 用電子產品聽歌唔用HEADPHONE, 而係大大聲就咁播出黎, 成個車箱都聽到, 當正係自己屋企咁.
4. 係車箱度打機(PSP, NDS或者手機)將個VOLUME開到鬼咁大聲, 成車人都知你打緊機, D聲令人煩厭.
5. 搭地鐵, 西鐵, 輕鐵既時候一打開門就搏命衝入車廂, 都唔等裏面D人出佐黎先, 慌死霸唔到位坐少陣會死咁. 尤其是指揮自己D仔女衝入車廂霸位果D師奶, 知唔知咩叫做家教??
6. 明知人多又迫仲要成個人挨落條柱度, 搞到其他人無位扶手.
7. 坐巴士果陣後面條友係咁用膝頭頂住自己張櫈.
8. 返工時間帶埋D好大味既早餐上車食, 食完又唔帶埋D垃圾走, 就咁掉落地下/攝係櫈側邊, 無家教.
9. 趁人迫搏矇非禮既死鹹蟲!!
10. 明知自己病又唔帶口罩, 係狹小既車箱裏面狂咳, 個鼻又狂嘶嘶嗦嗦, 係度散播病菌令人煩厭.