田中日本料理 -- 講真我覺得田中無咩特別...

地址: 元朗教育路71-79號地下
電話: 2474-7874

上星期二試完衫打算去許願樹食飯, 點知經過田中見到竟然無人等位, 仲見到裏面有吉位添喎?! 於是流沙包就提議去田中食飯, 我見反正田中咁難得無人等位, 於是我就犠牲我既心太軟改去食日本料理啦~ 入到去流沙包話因為早前田中被人驗到D鰻魚有孔雀石綠, 唔通係呢個原因, 所以平時大排長龍既田中今日竟然唔駛等位? 我地叫佐個帶子拼甜蝦刺身, 螺肉, 炸蠔卷, 餃子雞翼, 薑汁雞肉炒飯, 海鮮拉面. 味道就普普通通啦, 一向以黎我都唔覺得田中有咩咁特別好食(當然我既思意唔係話佢難食, 只係唔明點解硬係咁多人等位), 但我覺得佢好在咩都即叫即整, 出黎果陣都係熱辣辣.

是次每人消費約$80